Timhaka 1:24 - BIBELE Mahungu Lamanene

²⁴ Kutani va khongela, va ku: “Hosi, wena la tivaka timbilu ta vanhu hinkwavo, kombisa loyi u n'wi hlawuleke eka lavambirhi lava,

Testamente Leyimpsha Xichangana

²⁴ Kutani vakhongela, vaku: “Hosi, wena lweyi ativaka timbilu ta vanhu hinkwavu, kombisa lweyi umuhlawuleke ka lava vambirhi,

Xitsonga (Bibele)

²⁴ Kutani va khongela, va ku: “Hosi, wena la tivaka timbilu ta hinkwavo, kombisa loyi u n'wi hlawuleke eka lavambirhi lava,

Timhaka 1:24 Referans Kwoze

1 SAMIELE 16:7

Kambe HOSI Xikwembu xi ku ka yena: “U nga languti ku saseka ka yena kumbe ku leha ka xiyimo xa yena, hikuva a ndzi n'wi hlawulanga. Mina HOSI, a ndzi yi hi leswi vanhu va vonaka swona; vanhu va languta nghohe, kambe mina HOSI ndzi languta mbilu.”

Timhaka 15:8

Kutani Xikwembu lexi tivaka timbilu ta vanhu, xi kombile leswaku va amukeleka eka xona hi ku va nyika Moya lowo Kwetsima kukotisa hina;

Yeremiya 17:10

loko ku nga ri hi mina HOSI, hikuva ndzi kambisisa miehleketo, ndzi ringeta ni timbilu ta vanhu, kutani ndzi hakela un'wana ni un'wana hi ku ya hi mahanyelo ya yena ni leswi a swi endlaka.”

Nhlavutelo 2:23

Ndzi ta dlaya vana va yena, kutani tikereke hinkwato ti ta tiva leswaku hi mina loyi a kambisisaka mianakanyo ni timbilu. Kutani ndzi ta avanyisa un'wana ni un'wana wa n'wina hi ku ya hi mintirho ya n'wina.

Vaheveru 4:13

Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

Varhoma 8:27

Kutani Xikwembu lexi kambaka swa timbilu, xi tiva leswi Moya wu swi anakanyaka; xi tiva leswaku Moya wu khongelela vahlawuriwa va xona hi ku ya hi ku rhandza ka xona.

Timhaka 14:23

Va va hlawulela vakulukumba ekerekeni yin'wana ni yin'wana; kutani, hi ku khongela ni ku titsona swakudya, va va veka emavokweni ya Hosi leyi a va pfumerile ka yona.

Timhaka 6:6

Nhlengeletano yi va tisa eka vaapostola; kuteloko vona va khongerile, va va tlhandleka mavoko.

Pisalema 44:21

xana a wu nga ta swi tiva xana, leswi u tivaka swihundla swa le mbilwini ya munhu?

Pisalema 7:9

Herisa ku biha ka lavo homboloka, u tiyisa lavo lulama, hikuva u Xikwembu xo lulama, wena u kambelaka timbilu ni miehleketo.

Yohane 21:17

A engeta ra vunharhu a ku ka yena: “Simoni, n'wana Yohane, xana wa ndzi rhandza xana?” Petro a khomiwa hi gome, hi mhaka ya leswi a n'wi vutiseke ra vunharhu a ku: “Xana wa ndzi rhandza xana?” Kutani a ku ka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku ka Petro: “Risa tinyimpfu ta mina.

Yeremiya 20:12

We HOSI ya matimba hinkwawo, u kambisisa munhu wo tshembeka, u tiva miehleketo ni mbilu ya yena: Rihiseta valala va mina ndzi ri karhi ndzi swi vona, hikuva timhaka ta mina, ndzi ku tivisile tona.

Yeremiya 11:20

Kutani ndzi khongele ndzi ku: “We HOSI ya matimba hinkwawo, wena u avanyisaka timhaka hi ku lulama, wena u kambelaka ripfalo ra munhu ni mianakanyo ya yena, tikombe eka mina hi ku rihiseta vanhu lava, hikuva timhaka ta mina, ndzi ku byerile tona hinkwato.”

Swivuriso 15:11

Leswi HOSI Xikwembu xi vonaka ni leswi swi nga hansi, exivandleni xa vafi, xana xi nga tsandza hi yini ku vona leswi nga timbilwini ta vanhu xana?

1 TIKRONIKA 29:17

Ndza swi tiva leswaku wena Xikwembu xanga, u kambela mbilu ya munhu, u lava leswaku a hanya hi ndlela leyi lulameke. Mina ndzi humesile tinyiko hi mbilu yo basa, kutani vanhu lava yimeke emahlweni ka wena va ndzi tsakisile loko na vona va ku humesela tinyiko va tsakile.

1 TIKRONIKA 28:9

“Na wena Solomoni n'wananga, amukela Xikwembu xa vatata wa wena, u xi tirhela hi mbilu ya wena hinkwayo, ni moya lowunene, hikuva HOSI Xikwembu xi kambela timbilu hinkwato, xi hatla xi vona makungu ni miehleketo ya munhu. Xi ta tsakela ku kumiwa hi wena loko u xi lava, kambe loko u xi fularhela, xi ta ku cukumetela makumu.

1 TIHOSI 8:39

va yingise, wena HOSI, u ri evutshan'wini bya wena ematilweni, u va rivalela, u tlherisela un'wana ni un'wana wa vona hi ku ya hi mahanyelo ya yena ni makungu ya mbilu ya yena, hikuva hi wena ntsena u tivaka timbilu ta vanhu.

Tinhlayo 27:16

“We HOSI, Xikwembu xa swilo hinkwaswo leswi hanyaka, hlawula wanuna loyi a nga ta fambisa ntshungu lowu,

1 SAMIELE 14:41

Kutani Sawulo a khongela HOSI Xikwembu, a ku: “We Xikwembu xa Israele, [hikwalaho ka yini u nga ndzi hlamulanga namuntlha, mina nandza wa wena. Loko nandzu wa kona wu ri na mina kumbe n'wana wa mina Yonatani, a ku hume ‘Urimi’, we HOSI Xikwembu xa Israele. Kambe loko nandzu wu ri ni tiko ra wena ra Israele,] a ku hume ‘Thumimi’.” Kutani vuhlolotwana byi komba Yonatani na Sawulo, lavan'wana va pona.

Luka 16:15

Yena a ku ka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi vanhu va swi tekaka swi ri swa le henhla, emahlweni ka Xikwembu a hi nchumu.