Timhaka 1:21 - BIBELE Mahungu Lamanene

²¹ “Hikwalaho ke, ku laveka munhu un'wana eka vavanuna lava a va ri na hina eminkarhini hinkwayo leyi Hosi Yesu a nga tshama na hina ni ku famba-famba na hina,

Testamente Leyimpsha Xichangana

²¹ “Hikolaho-ke, kulaveka munhu mun'we ka vavanuna lava avali na hina minkameni hinkwayu leyi Hosi Yesu angatshama na hina ni kufambafamba na hina,

Xitsonga (Bibele)

²¹ Hikwalaho-ke, eka vavanuna lava ngi va ri na hina emikarhini hinkwayo leyi Hosi Yesu a nga tshama a nghena ni ku huma exikarhi ka hina,

Timhaka 1:21 Referans Kwoze

Yohane 15:27

na n'wina mi timbhoni ta mina, hikuva mi ve na mina ku sukela eku sunguleni.

2 SAMIELE 5:2

Khale loko Sawulo a ha ri hosi ya hina, hi wena u fambiseke mavuthu ya Israele enyimpini; naswona HOSI Xikwembu xi ku tshembisile xi ku: ‘Hi wena loyi u nga ta va murisi ni mufambisi wa tiko ra mina ra Israele.’ ”

Duteronoma 31:2

a ku: “Sweswi ndzi ni malembe ya 120, kutani a ndza ha swi koti ku va mufambisi wa n'wina. Naswona HOSI Xikwembu xi ndzi tivisile leswaku nambu lowu wa Yordani, ndzi nga ka ndzi nga wu peli.

Tinhlayo 27:17

a rhangela mavuthu ni ku ma letela loko ma ya enyimpini, ni loko ma vuya. Hi ndlela leyi, ntshungu wa wena HOSI a wu nga fani ni ntlhambi wa tinyimpfu leti pfumalaka murisi.”

1 TIHOSI 3:7

Kutani we HOSI Xikwembu xanga, u vekile mina nandza wa wena ku va hosi exitshan'wini xa tatana Davhida. Kambe ndza ha ri lontsongo ngopfu, mafambisele ya tiko a ndzi ma tivi.

Luka 1:2

va ti rungurile hilaha na hina hi nga ti twa hakona eka lava a va ri timbhoni ta tona ni malandza ya rito ra Xikwembu ka ha ri eku sunguleni;

Luka 24:3

Kambe loko va nghena, a va kumanga ntsumbu wa Hosi Yesu.