Timhaka 1:18 - BIBELE Mahungu Lamanene

¹⁸ (Yudasi a a tixavele nsimu hi mali leyi a a yi kumile hi ndlela yo homboloka; kutani ú yile a ya wa hi nhloko ensin'wini ya kona, a handzuka hi le xikarhi, marhumbu ya yena ma huma hinkwawo.

Testamente Leyimpsha Xichangana

¹⁸ (Yudasi aatixavele nsimu hi male leyi aayikumile hi ndlela yohomboloka; kutani ayile ayawa hinhloko nsin'wini yakona, ahandzuka hi le xikarhi, marhumbu ya yena mahuma hinkwawu.

Xitsonga (Bibele)

¹⁸ Kambe, kuteloko a tixavele nsimu hi hakelo ya ku homboloka, a tisunga hi ku tiwisa ehansi, a handzuka hi le xikarhi, kutani marhumbu ya yena ma huma hinkwawo.

Timhaka 1:18 Referans Kwoze

Pisalema 55:23

We Xikwembu, u ta va hoxa ekheleni ra rifu; vanhu lava vo tsakela ku halata ngati ni ku kanganyisa, va ta hunguteriwa malembe ya vona ya ku hanya, kambe mina ndzi ta titshembela wena ntsena.

Pisalema 55:15

Rifu a ri va khubumete, a va rhelele va ya exivandleni xa vafi va ri karhi va hanya, hikuva leswo homboloka swi tele emitini ya vona ni le timbilwini ta vona.

Tinhlayo 22:7

Kutani vakulukumba va le Mowabu ni va le Midiyani va suka va ya eka Balaama va ri ni mali yo hakela vungoma bya yena, va fika va n'wi byela marito ya Balaka.

Matewu 25:15

A nyika un'wana titalenta ta ntlhanu, un'wana titalenta timbirhi, un'wana talenta yin'we; un'wana ni un'wana a nyikiwa hi ku ringana matimba ya yena; kutani n'wini wa muti a ya endzela kule.

Tinhlayo 22:17

hikuva ndzi vula ndzi tiyisile leswaku ndzi ta ku kurisa ngopfu; naswona xin'wana ni xin'wana lexi u nga ta ndzi byela leswaku ndzi xi endla, ndzi ta xi endla; ndza ku kombela, tana u ta ndzi rhuketelela vanhu lava!’ ”

Zakariya 11:13

Kutani HOSI Xikwembu xi ku ka mina: “Leswi va pimaka leswaku a ndzi tluli swimalana leswi hi risima, swi teke u ya swi nyiketa eka loyi a tivaka ku n'okisa silivhere, eTempeleni.” Ndzi endlisa sweswo,