Timhaka 1:10 - BIBELE Mahungu Lamanene

¹⁰ Va te va ha tlakusile mahlo va languta etilweni loko a ri karhi a tlhandluka, hi nomu lo vavanuna vambirhi lava ambaleke swo basa, va humelela kwala va nga kona,

Testamente Leyimpsha Xichangana

¹⁰ Navaha tlakusile mahlo valanguta tilweni loko ali karhi atlhantukisiwa, xikan'we kufika vavanuna vambirhi lavayambaleke sva kubasa, vahumelela kola vangakona,

Xitsonga (Bibele)

¹⁰ Va ku va ha tlakusile mahlo ya vona etilweni, loko a ri karhi a tlhandluka, vonani, ku humelela eka vona vavanuna vambirhi, va ambele swo basa,

Timhaka 1:10 Referans Kwoze

Luka 24:4

Va ku va ha hlamala ha swona, vavanuna vambirhi va tshuka va humelela eka vona, va ri ni swiambalo leswi hatimaka.

Yohane 20:12

a vona tintsumi timbirhi leti ambaleke swo basa, ti tshamile, yin'wana hi le tinhlokweni, yin'wana hi le milengeni, laha ntsumbu wa Yesu a wu latiwile kona.

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

Marka 16:5

Loko va nghenile esirheni, va vona jaha leri tshameke etlhelweni ra xinene, ri ambele nguvu yo leha yo basa; kutani va hlamala.

Timhaka 10:30

Hiloko Korneliyo a hlamula, a ku: “Sweswi ku hundzile masiku manharhu, a ndzi ri karhi ndzi khongela endlwini ya mina hi nkarhi wa 3 nindzhenga; kutani ndzi vona munhu a yimile emahlweni ka mina, a ambele leswo vangama,

Matewu 28:3

A yi vangama ku fana ni rihati, ni swiambalo swa yona a swi basile kukota gamboko.

Matewu 17:2

Kutani a hundzuka emahlweni ka vona; nghohe ya yena yi hatima kukotisa dyambu, na swona swiambalo swa yena swi hundzuka leswo basa, swi vangama kukotisa ku vonakala.

Daniele 7:9

“Kuteloko ndza ha langutile, ku veketeriwa swiluvelo, kutani loyi a a ri kona ku sukela khale a tshama exiluvelweni xa yena. Swiambalo swa yena a swi basile ku fana ni gamboko, misisi ya yena a yi fana ni voya byo saseka bya nyimpfu. Xiluvelo xa yena a xi vuvumela, xi ri ni mavhilwa lama vangamaka kukotisa ndzilo.

Nhlavutelo 3:4

Hambiswiritano, wa ha sele ni mavito ya vanhu va nga ri vangani le Sarda, lava nga nyamisangiki tinguvu ta vona. Kutani va ta famba na mina va ambele swo basa, hikuva swi va lulamerile.

Timhaka 10:3

Siku rin'wana, loko ku lava ku va nkarhi wa 3 nindzhenga, a vona swinene ntsumi ya Xikwembu hi xivono, yi ri karhi yi nghena ka yena, yi ku: “Korneliyo!”

2 TIHOSI 2:10

Eliya a hlamula a ku: “U komberile xilo lexi nonon'hwaka; hambiswiritano, loko u ndzi vona ndzi ri karhi ndzi tlakuriwa ndzi ku siya, u ta endleriwa swona; kambe loko u nga ndzi voni, a wu nga endleriwi swona.”