Swivuriso 9:8 - BIBELE Mahungu Lamanene

⁸ Musandzi, u nga n'wi tshinyi, hikuva ú ta ku venga, tshinya loyi a tlhariheke, yena ú ta ku rhandza.

Xitsonga (Bibele)

⁸ U nga tshuki u laya musandzi, kumbe xana u ta ku venga, Laya wa ku tlhariha, yena u ta ku rhandza.

Swivuriso 9:8 Referans Kwoze

Pisalema 141:5

Loko munhu wo lulama a ndzi ba ni ku ndzi tshinya hi rirhandzu, eka mina i mafurha layo nun'hwela, ndzi nge ali ku cheriwa wona enhlokweni; kambe ndza ha ta khongela ndzi lwa ni mintirho ya lavo homboloka.

Swivuriso 13:18

Loyi a alaka ku layiwa, ú tivangela vusiwana ni tingana, kasi loyi a pfumelaka ku tshinyiwa, wa dzunisiwa.

Swivuriso 23:9

U nga tikarhateli ku dyondzisa xiphunta, hikuva miehleketo ya wena leyinene, xi nge yi amukeli.

Swivuriso 15:12

Musandzi a nga swi lavi ku tshinyiwa, a nge pfuki a yile eka lavo tlhariha.

Matewu 7:6

Mi nga nyiki timbyana swilo leswi hlawulekeke, hikuva ti nga mi hundzukela, ti mi kavutlulela; naswona mi nga hoxi tidayimani ta n'wina emahlweni ka tinguluve, hikuva ti ta ti kandziyela hi milenge.

Swivuriso 29:1

La tshinyiwaka, kambe a ala a tiomisa nhloko, ú ta wa a tshoveka a nga ehleketanga, kutani a nge he tshunguleki.

Swivuriso 28:23

Loyi a nga chaviki ku tshinya van'wana, eku heteleleni, ku ta tsakeriwa yena ku tlula munhu wa marito yo tsokombela.

Levhitika 19:17

“Timbilu ta n'wina ti nga tshuki ti tala rivengo hi mhaka ya makwenu, kambe yanani mi ya vulavula na yena, mi ta ka mi nga tivangeli xidyoho.

Matewu 15:14

Va tshikeni, hi lavo-fe-mahlo lava fambisaka lavo-fe-mahlo. Loko lowo-fe-mahlo a fambisa lowo-fe-mahlo, va ta wela ekheleni hi vumbirhi bya vona.”

1 TIHOSI 1:23

Va vikela hosi va ku: “Muprofeta Natani hi loyi!” Loko muprofeta a fika emahlweni ka hosi, a xeweta hi ku korhama, mombo wa yena wu ko wu khumba misava.

1 TIHOSI 22:8

Kutani hosi ya Israele yi hlamula Yoxafati yi ku: “Ina, ka ha ri ni munhu un'we, loyi hi nga vutisaka eka yena leswaku HOSI Xikwembu xi ri yini eka swona; i Mikaya n'wana Imila. Kambe mina ndza n'wi venga hikuva a nga ndzi vhumbheli nchumu xo saseka, wo ndzi byela leswo biha ntsena minkarhi hinkwayo.” Yoxafati a ku: “Hayi, a hi wena hosi u fanelaka ku vulavurisa sweswo!”

1 TIHOSI 1:32

Hosi Davhida a engeta a ku: “Ndzi vitaneleni muprista Sadoki ni muprofeta Natani, swin'we na Benaya n'wana Yoyada.” Kutani va ta emahlweni ka hosi.

Swivuriso 10:8

Munhu wa miehleketo wa twa loko a tsundzuxiwa, kambe xihanya-nomo xona xi ta ya eku loveni.

Swivuriso 13:1

N'wana la tlhariheke ú yingisa swiletelo swa tata wa yena, kasi musandzi a nga twi ku tshinyiwa.

Swivuriso 19:25

Loko u ba musandzi, swi nga nyika dyondzo eka lava pfumalaka vutivi, loko u laya munhu wo twisisa, swi n'wi pfuna ku engetelela vutlhari.

Esaya 36:21

Vanhu va Yerusalema va miyela va ku whíí, va nga hlamuli nchumu, hikuva hosi Hezekiya a a lerisile leswaku va nga tshuki va hlamula Muasiriya wa kona.

Swivuriso 1:5

Na yena loyi a tlhariheke, loko a swi landza, ú ta dyondza a ya emahlweni. Munhu loyi a twisisaka, ú kuma switsundzuxo,

Swivuriso 23:23

Xava ntiyiso, u nga wu xavisi, xava vutlhari, ni swiletelo, ni ku twisisa.