Swivuriso 9:6 - BIBELE Mahungu Lamanene

⁶ Hambana ni lavo pfumala vutivi, u ta hanya, tekelela mahanyelo ya lava twisisaka.”

Xitsonga (Bibele)

⁶ Tshikani ku rivala mi ta hanya, Mi famba endleleni ya vutlhari!”

Swivuriso 9:6 Referans Kwoze

Swivuriso 13:20

Loyi a tolovelanaka ni lavo tlhariha, wa tlhariha, kambe munghana wa swiphunta, ú ta wela ekhombyeni.

Swivuriso 4:11

Budula ra vutlhari, ndzi ku kombile, ndzi ku fambisile etindleleni leto lulama.

Luka 13:24

“Ringetani hi matimba ku nghena hi nyangwa leyo khuma, hikuva ndza mi byela leswaku lavo tala va ta navela ku nghena, kambe va ta tsandzeka.

2 Vakorinto 6:17

Hikokwalaho, Hosi yi ri: “Humani exikarhi ka vona, mi hambana na vona; mi nga tshuki mi khumba leswi nga tengangiki, kutani ndzi ta mi amukela.

Nhlavutelo 18:4

Kutani ndzi twa rito rin'wana leri humaka etilweni ri ku: “N'wina vanhu va mina, humani mi n'wi siya, leswaku mi ta kala mi nga ngheni eswidyohweni swa yena, mi ta kala mi nga weriwi hi maxangu ya yena,

Timhaka 2:40

Petro a tiyisa vumbhoni bya yena hi marito man'wana layo tala, a va khongotela a ku: “Hambanani ni rixaka leri ro homboloka leswaku mi ta pona.”

Swivuriso 9:11

Mina vutlhari ndzi ta engetela masiku ya ku hanya ka wena, u ta hanya malembe layo tala.

Swivuriso 8:35

Loyi a ndzi kumeke, ú kumile vutomi, kutani HOSI Xikwembu xi ta n'wi tsakela;

Pisalema 119:115

N'wina mi endlaka leswo biha, hambanani na mina, ndzi ta kota ku hlayisa swileriso swa Xikwembu xanga.

Pisalema 45:10

Yingisa we mutekiwa, u twa leswi ndzi ku byelaka swona, rivala varikwenu ni ndyangu wa tata wa wena.

Swivuriso 10:17

Loyi a twaka ku byeriwa, ú khome ndlela ya vutomi, kasi ma-ka-tindleve wa lahleka.

Swivuriso 23:19

N'wananga, yingisa, u ta tlhariha, kongomisa miehleketo ya wena endleleni leyinene.

Ezekiele 11:20

Hikokwalaho va ta hlayisa milawu ya mina ni swiletelo swa mina, va famba ha swona, kutani va ta va vanhu va mina, mina ndzi va Xikwembu xa vona.

Ezekiele 37:24

“Vaisraele hinkwavo va ta va hansi ka Davhida nandza wa mina, va risiwa hi yena ntsena. Va ta landzelela milawu ya mina, va hlayisa ni swiletelo swa mina.