Swivuriso 9:12 - BIBELE Mahungu Lamanene

¹² Loko u tlharihile, swi ta pfuna wena n'wini, loko u sandza, hi wena u nga ta twa ku vava.

Xitsonga (Bibele)

¹² Loko u tlhariha, u ta pfuniwa hi vutlhari bya wena; Kambe loko u ri musandzi, hi wena swaku u nga ta onhakeriwa.

Swivuriso 9:12 Referans Kwoze

Ezekiele 18:20

Munhu la dyoheke, hi yena ntsena loyi a fanelaka ku fa. N'wana a nge beriwi ku homboloka ka tata wa yena, na yena tatana a nge beriwi ku homboloka ka n'wana wa yena. Ku lulama ka munhu wo lulama, ku ta hanyisa yena ntsena, ni ku homboloka ka munhu wo homboloka ku ta dlayisa yena ntsena.

Ntirho 22:21

“We Yobo, vuyela eka Xikwembu u va ni ku rhula, hi kona u nga ta kuma minkateko.

Swivuriso 16:26

Munhu loyi a tirhaka, ú susumetiwa hi ndlala, i khwiri leri ri n'wi sindzisaka.

Esaya 28:22

Hikokwalaho, tshikani ku sandza, hikuva mi nga ya mi bohiwa ku tlula mpimo; ndzi twile N'wini wa hinkwaswo, HOSI ya matimba hinkwawo, yi bona makungu yo herisa tiko hinkwaro.

2 Petro 3:16

Hi swona leswi a toloveleke ku swi vula emapapileni ya yena hinkwawo, loko a khumba timhaka leti. Emapapileni ya kona ku ni swilo swin'wana leswi swi nonon'hwaka ku swi twisisa; lava pfumalaka vutivi ni lava nga tiyangiki va swi gombonyokisa, hilaha va endlaka hakona eka matsalwa laman'wana, kutani swi va lovisa.

Vagalatiya 6:5

hikuva un'wana ni un'wana ú ta rhwala mpingu wa yena.

Swivuriso 14:14

Loyi a nga ni mahanyelo yo biha, ú tshovela mihandzu ya swiendlo swa yena, na yena lonene, ú vuyeriwa hi mihandzu ya mintirho ya yena.

Swivuriso 19:29

Vasandzi va yimeriwile hi ku avanyisiwa, swiphunta swi nge poni, swi ta biwa.

Ntirho 19:4

Hambiloko a ndzo va ni xihoxo, a xi ta tiva hi mina ntsena.

Zakariya 12:14

Ni mindyangu leyin'wana hinkwayo yi ta rila, vavanuna va rila va ri voxe, ni vasati va vona va rila va ri etlhelo.