Swivuriso 9:11 - BIBELE Mahungu Lamanene

¹¹ Mina vutlhari ndzi ta engetela masiku ya ku hanya ka wena, u ta hanya malembe layo tala.

Xitsonga (Bibele)

¹¹ Hikuva ha mina, masiku ya wena ma ta andzisiwa, Kutani malembe ya ku hanya ka wena ma ta lehisiwa.

Swivuriso 9:11 Referans Kwoze

Swivuriso 10:27

Munhu la chavaka HOSI Xikwembu ú engeteleriwa masiku ya ku hanya, kambe lavo homboloka va hatla va hundza emisaveni.

Swivuriso 3:16

Hi byona lebyi nyikaka munhu masiku layo tala ya ku hanya, byi nyika rifuwo ni ku dzuneka.

Swivuriso 3:2

swi ta ku engetelela masiku ya ku hanya, swi ta ku nyika ku rhula evuton'wini bya wena.

Duteronoma 6:2

N'wina ni vana va n'wina ni vatukulu va n'wina, chavani HOSI Xikwembu xa n'wina. Evuton'wini bya n'wina hinkwabyo, hanyani hi ku hlayisa milawu ni swileriso hinkwaswo leswi ndzi mi byeleke swona. Loko mi endla tano, mi ta hanya masiku layo tala.

Duteronoma 11:21

Loko mi endla tano, n'wina ni vana na n'wina mi ta hanya malembe layo tala etikweni leri HOSI Xikwembu xi tshembiseke vatata wa n'wina hi ku hlambanya, leswaku xi ta va nyika rona ri va ra vona; mi ta tshama eka rona minkarhi hinkwayo.

Swivuriso 9:6

Hambana ni lavo pfumala vutivi, u ta hanya, tekelela mahanyelo ya lava twisisaka.”

Duteronoma 30:19

“Namuntlha ndzi kombela matilo ni misava ku va timbhoni ta mina leswaku ndzi mi nyikile nkarhi wo hlawula vutomi kumbe rifu, minkateko kumbe makhombo. Hlawulani vutomi, leswaku mi ta hanya, n'wina ni vana va n'wina!