Swivuriso 8:36 - BIBELE Mahungu Lamanene

³⁶ kambe loyi a nga ndzi kumiki, wo tivavisa, hinkwavo lava va ndzi vengaka, vo lava rifu.”

Xitsonga (Bibele)

³⁶ Kambe la ndzi dyohelaka u onha moya wa yena. Hinkwavo lava ndzi vengaka va rhandza rifu.”

Swivuriso 8:36 Referans Kwoze

Swivuriso 15:32

Munhu loyi a bakanyaka switsundzuxo, wa tidlaya, kasi loyi a yingisaka loko a tshinyiwa, ú engetelela ku twisisa.

Swivuriso 1:31

hikokwalaho, swiendlo swa vona swi ta va xanisa, mano ya vona ma ta va dlayisa.

1 Vakorinto 16:22

Loko munhu a nga rhandzi Hosi, a a ve eku rhukaniweni! “Maranatha! Tana, Hosi!”

Swivuriso 20:2

Loko hosi yi karihile, yi chavisa ku fana ni nghala leyi bongaka, loyi a yi hlundzukisaka, ú tivangela rifu.

Swivuriso 12:1

Loyi a rhandzaka ku tsundzuxiwa, ú rhandza vutivi, kambe loyi a vengaka ku tshinyiwa, wa hlanya.

Vaheveru 10:29

Kutani, xana mi ehleketa yini hi munhu loyi a soleke N'wana wa Xikwembu, a nga vuli nchumu hi ngati ya ntwanano leyi a nga hlawulekisiwa ha yona, a tlhela a rhuketela Moya wa tintswalo, xana? Xana yena ú ta biwa hi nkhavi lowo vavisa ku yini?

Ezekiele 18:31

Swidyoho hinkwaswo leswi a mi hanya eka swona, swi cukumeteni kule na n'wina, kutani mi tilavela mianakanyo leyintshwa ni moya lowuntshwa! Xana mi susumetiwa ha yini ku tivangela rifu n'wina Vaisraele xana?

Vaheveru 2:3

xana hina hi nga pona hi ndlela yihi, loko hi nyenya ku ponisiwa lokukulu ko tano xana? Hosi yi vurile ta ku ponisiwa loku, ka ha ri eku sunguleni, kutani ku tlhela ku tiyisiwa eka hina hi lava va tweke timhaka ta kona.

Timhaka 13:46

Kambe Pawulo na Barnaba va hlamula va nga chavi nchumu, va ku: “A swi fanela leswaku Rito ra Xikwembu ri byeriwa n'wina eku sunguleni; kambe leswi mi ri cukumetaka, ni leswi mi tiavanyisaka hi n'wexe, mi ku a mi faneriwi hi vutomi lebyi nga heriki, maswivo hina hi hundzukela eka vamatiko.

Ezekiele 33:11

Va byele leswaku mina HOSI N'wini wa hinkwaswo ndzi tibohile hi ku hlambanya ndzi ri: A ndzi tsakeli rifu ra mudyohi, kambe ndzi lava leswaku a hundzuka etindleleni ta yena leto homboloka, kutani a kuma ku hanya. Hikokwalaho, n'wina Vaisraele, hundzukani! Ina, hundzukani, mi tshika tindlela ta n'wina leto biha. Hikwalaho ka yini mi lava ku tivangela rifu xana?

Swivuriso 21:6

Xuma lexi kumiweke hi ndlela ya vuxisi, xi dzudzeka ku fana ni mberha, i ntlhamu lowu vangelaka rifu.

Ntirho 35:6

Loko u dyoha, a wu vavisi Xikwembu, hambi u tlula nawu u vuyelela, Xikwembu a xi khumbeki hi swona.

Swivuriso 1:32

Lava pfumalaka vutivi va tivangela rifu loko va ala ku dyondzisiwa, swiphunta swi ticelela masirha hi ku ka swi nga tikarhateli nchumu.

Esaya 3:9

Tinghohe ta vona ta va mangalela, swidyoho swa vona va swi paluxa ku fana ni va le Sodoma, a va swi tumbeti. Va le khombyeni! va lo tivangela rona hi voxe.

Yeremiya 27:13

Hikwalaho ka yini wena ni vanhu va wena mi tivangela ku dlawa hi tinyimpi ni tindlala ni mintungu xana? HOSI Xikwembu xi vurile leswaku makhombo lawa ma ta wela tiko leri alaka ku tirhela hosi ya Babilona.

Timhaka 16:28

Kambe Pawulo a huwelela hi rito ro tlakuka, a ku: “U nga tshuki u tivavisa, hikuva ha ha ri kona hinkwerhu.”