Swivuriso 8:35 - BIBELE Mahungu Lamanene

³⁵ Loyi a ndzi kumeke, ú kumile vutomi, kutani HOSI Xikwembu xi ta n'wi tsakela;

Xitsonga (Bibele)

³⁵ Hikuva la ndzi kumaka u kumile vutomi, U kumile tintswalo ta Yehovha.

Swivuriso 8:35 Referans Kwoze

Yohane 3:36

Loyi a pfumelaka eka N'wana, ú ni vutomi lebyi nga heriki; loyi a nga yingisiki N'wana, a nga ka a nga kumi vutomi, kambe vukari bya Xikwembu byi tshame henhla ka yena.

Swivuriso 12:2

Munhu lonene, HOSI Xikwembu xa n'wi tsakela, kambe munhu wa makungu layo biha, xa n'wi avanyisa.

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Vakolosa 3:3

Hikuva mi file, kutani vutomi bya n'wina byi tumbetiwile na Kriste eka Xikwembu.

Vafilipiya 3:8

Ku nga ri swona ntsena: Ndzi tekile hinkwaswo swi ri leswi nga ha pfuniki nchumu, loko swi ringanisiwa ni risima leri tlulaka hinkwaswo ra ku tiva Kriste Yesu Hosi ya mina. Hikwalaho ka yena, ndzi fularhele hinkwaswo ndzi swi vona swi ri thyaka ntsena, leswaku ndzi ta kuma Kriste,

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Swivuriso 1:33

Kambe loyi a ndzi yingisaka, ú ta tshamiseka, a kuma ku rhula emoyeni, a nga chavi nchumu xo biha.”

Vaefesa 1:6

ku endlela leswaku hi xi dzunisa hi mhaka ya tintswalo ta xona leto saseka ngopfu, leti xi hi nyikeke tona eka N'wana wa xona la rhandzekaka.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga un'we, leswaku un'wana ni un'wana la pfumelaka ka yena, a nga lovi, kambe a va ni vutomi lebyi nga heriki.

Swivuriso 4:22

hikuva i vutomi eka loyi a swi kumaka, swi horisa miri wa yena hinkwawo.

Swivuriso 3:4

Hi ndlela leyi, Xikwembu xi ta ku tsakela, ni vanhu va ta ku xixima.

Swivuriso 3:22

hi swona swi nga ta ku hanyisa, swi sasekisa vutomi bya wena;

Swivuriso 9:6

Hambana ni lavo pfumala vutivi, u ta hanya, tekelela mahanyelo ya lava twisisaka.”

Swivuriso 18:22

Ku kuma nsati, i nkateko, i ku tsakeriwa hi HOSI Xikwembu.

Eklesiasta 7:12

Vutlhari byi sirhelela munhu, hilaha mali yi n'wi sirhelelaka hakona; ku va ni vutivi, swa pfuna: Vutlhari byi hanyisa vinyi va byona.

Swivuriso 4:13

Hlayisa swiletelo, u nga swi tshiki; swi sirhelele, hikuva hi byona vutomi bya wena.