Swivuriso 7:10 - BIBELE Mahungu Lamanene

¹⁰ Hiloko wansati a ri hlanganisa a ambele ku fana ni nghwavava, mbilu ya yena yi tele vukanganyisi.

Xitsonga (Bibele)

¹⁰ A hlanganisiwa hi wansati La bombeke hi mikhuva ya tinghwavavana, kasi u ni mbilu yo kanganyisa,

Swivuriso 7:10 Referans Kwoze

1 Timotiya 2:9

Hi mukhuva wolowo na vona vavasati a va ambale leswi fanekelaka, va hlova va pima, va nga ambali swo vonikela kumbe ku tibombisa hi misisi leyi horhiweke, kumbe hi vuhlalu bya nkoka, kumbe hi tinguvu to durha ngopfu;

Yeremiya 4:30

We “Ntshikiwani”, u tikarhatela yini hi ku ambala xivunguvungu, u tibombisa hi swingwavila swa nsuku, u tipenda ni mahlo xana? U tisasekisela mahala! Swigangu swa wena swa ku nyenya, swi lava ntsena ku ku dlaya.

2 TIHOSI 9:30

Loko Yehu a ri kusuhi ni ku nghena eYizriele, Yezabele a swi twa, kutani a tikhavisa mahlo, a hlovisa ni nhloko, a hlometela hansi hi le fasitereni.

Esaya 23:16

“We nghwavava leyi rivariweke, teka haripa, u rhendzeleka na muti! Chaya swi tsokombela swinene, u yimbelela tinsimu leto tala, leswaku vavanuna va ta ku tsundzuka!”

2 TIHOSI 9:22

Loko Yoramu a vona Yehu, a ku ka yena: “Xana u ta hi moya wa ku rhula ke, wee Yehu?” Yehu a hlamula a ku: “Ku rhula ku nga va kona ke, loko timhaka ta ku khongela swikwembu swa hava ni ta vungoma bya mana wa wena Yezabele ta ha ya emahlweni ti andza, xana?”

Genesa 3:1

Nyoka a yi ri ni mano ku tlula swiharhi hinkwaswo leswi HOSI Xikwembu xi swi endleke. Kutani yi ku ka wansati: “Xana i ntiyiso leswaku Xikwembu xi te: ‘Mi nga tshuki mi dya mihandzu ya murhi na wun'we laha ntangeni xana?’ ”

Swivuriso 23:28

Va tshamela vavanuna lomu tindleleni ku fana ni swigevenga, kutani va andzisa ntsengo wa vavanuna lava nga tshembekiki.