Swivuriso 6:6 - BIBELE Mahungu Lamanene

⁶ Wena lolo, yana eka vusokoti, u xiyaxiya mahanyelo ya byona, u ta tlhariha.

Xitsonga (Bibele)

⁶ Wena lolo, yana eka vusokoti, U xiya mikhuva ya byona, u ta tlhariha.

Swivuriso 6:6 Referans Kwoze

Swivuriso 20:4

Munhu la lolohaka ku rima hi nguva ya kona, a nge tshoveli nchumu, hambi o swi lava.

Swivuriso 18:9

Loyi a lolohaka entirhweni wa yena, a nga hambananga na loyi a tsakelaka ku onha ntsena.

Swivuriso 6:9

We lolo, xana u ta etlela ku fikela rini, u ta pfuka rini evurhongweni ke?

Vaheveru 6:12

A hi lavi leswaku mi va lavo loloha, kambe hi lava leswaku mi fana ni vanhu lava sweswi va kumaka leswi va tshembisiweke swona, hi mhaka ya ku pfumela ka vona ni ku lehisa timbilu.

Swivuriso 13:4

Lolo ri fa hi ku navela, kambe a ri kumi nchumu; munhu wa migingiriko yena, ú dya a xurha.

Matewu 25:26

N'wini wa yena a n'wi hlamula a ku: ‘Nandza lowa lunya, wo loloha, a wu ri karhi u tiva leswaku ndzi tshovela laha ndzi nga byalangiki kona, ni leswaku ndzi hlengeleta laha ndzi nga haxangiki mbewu kona! Xana a hi swona xana?

Swivuriso 30:25

I vusokoti lebyi nga tiyangiki, kambe hi ximumu byi tihlengeletela swakudya;

Varhoma 12:11

Ku chivirika ka n'wina ku nga vohli, kambe mi va ni ku hiseka emoyeni, mi tirhela Hosi.

Swivuriso 21:25

Lolo ri fa hi ku navela, kambe mavoko ya rona ma chava ntirho.

Swivuriso 19:15

Munhu wo loloha, ú tshama a etlele, loyi a tshamaka hi mavoko, ú ta fa hi ndlala.

Swivuriso 22:13

Lolo ri ri: “Ku ni nghala ehandle, loko ndzo huma, ndzi ta dlawa!”

Swivuriso 10:26

Lolo ri dyisa loyi a ri rhumaka embitsi, ku fana ni loko munhu a nwa ntsuvi, kumbe a tlunyiwa hi musi.

Swivuriso 19:24

Munhu wo loloha, ú hoxa voko exinkambaneni, kambe a tsandzeka ni ku ri yisa enon'weni.

Matewu 6:26

Langutani tinyanyana leti hahaka empfhukeni: A ti byari, a ti tshoveri, a ti hlengeleti nchumu eswitlatini, hikuva Tata wa n'wina wa le tilweni wa ti fihluta; xana n'wina a mi ti tluri ngopfu ke?

Swivuriso 15:19

Ndlela yo lolo yi tlhumile hi mitwa, kasi gondzo ra lowa migingiriko, ri khuleriwile ri basa.

Swivuriso 1:17

A swi pfuni nchumu ku rhiya xitsendzele tinyanyana hinkwato ti langutile:

Esaya 1:3

Homu yi tiva n'wini wa yona, ni mbhongolo yi tiva lomu mufuwi wa yona a yi phamelaka kona; kasi Vaisraele, vona vanhu va mina, a va ndzi tivi, no twisisa a va twisisi.”

Swivuriso 23:19

N'wananga, yingisa, u ta tlhariha, kongomisa miehleketo ya wena endleleni leyinene.

Swivuriso 30:24

Swivumbiwa swa mune leswitsongo swa laha misaveni leswi tlhariheke ngopfu, hi leswi:

Yeremiya 8:7

Magumba ma tiva tinguva ta lembe, ni tinyanyana to fana ni matuva ni timbewulani ni minchukwana swi tiva minkarhi ya swona ya ku rhurha. Kambe vanhu va mina vona a va na mhaka ni leswi ndzi nga va lerisa swona mina HOSI.

Swivuriso 10:4

Ku tshama hi mavoko swi chela vusiwana, migingiriko yona ya fumisa.