Swivuriso 6:32 - BIBELE Mahungu Lamanene

³² Wanuna loyi a oswaka, a nga ehleketi! Loko a etlela ni nsati wa un'wana, ú ticelela sirha;

Xitsonga (Bibele)

³² La oswanaka ni wansati u heleriwe hi ku anakanya, La endlaka sweswo u lovisa moya wa yena;

Swivuriso 6:32 Referans Kwoze

Swivuriso 7:7

ndzi languta lavantshwa lavo pfumala vutivi, kutani exikarhi ka vona ndzi vona jaha leri nga ehleketiki swinene,

Vaheveru 13:4

Ku tekana a ku ve loku xiximiwaka hi vanhu hinkwavo, vukati byi nga onhiwi hi ku kanganyisana, hikuva Xikwembu xi ta avanyisa timbhisa ni vaoswi.

Yeremiya 5:21

“Twanani leswi maphuphula ndzin'wina, n'wina vanhu vo pfumala mano: Mi ni mahlo, kambe a mi voni, ni tindleve mi na tona, kambe a mi twi.

Eksoda 20:14

“U nga tshuki u oswa.

Genesa 41:39

Kutani Faro a ku ka Yosefa: “Xikwembu hi xona xi ku tiviseke timhaka leti hinkwato, hikokwalaho a ku na munhu wo twisisa ni ku tlhariha ku fana na wena.

Ezekiele 18:31

Swidyoho hinkwaswo leswi a mi hanya eka swona, swi cukumeteni kule na n'wina, kutani mi tilavela mianakanyo leyintshwa ni moya lowuntshwa! Xana mi susumetiwa ha yini ku tivangela rifu n'wina Vaisraele xana?

Yeremiya 5:8

va fana ni tihanci leto nona ta xinuna leti navelaka ta xisati: Un'wana ni un'wana ú gangisa nsati wa munhu-kulobye.

Swivuriso 9:4

“N'wina hinkwenu mi kalaka mano, tanani haleno!” Loyi a nga ehleketiki swinene, vutlhari byi ku ka yena:

Swivuriso 8:36

kambe loyi a nga ndzi kumiki, wo tivavisa, hinkwavo lava va ndzi vengaka, vo lava rifu.”

Hosiya 13:9

N'wina vanhu va tiko ra Israele, ndzi ta mi herisa mi ku bi! Mi ta lamuleriwa hi mani xana?

Swivuriso 6:33

ú ta boxiwa timbanga, a pfumala ni ndzhuti, a ku nga vi na loyi a nga ta n'wi susa tingana,

Swivuriso 10:13

Enon'wini wa la twisisaka, ku huma marito ya vutlhari, kambe la nga ehleketiki swinene, wo fanela hi nkhavi.

Swivuriso 10:21

Leswi humaka enon'wini wa munhu wo lulama i swakudya swa lavo tala, kambe swiphukuphuku swi ticelela masirha hi ku ka swi nga ehleketi.

Swivuriso 11:12

Loyi a sandzaka munhu-kulobye a nga ehleketi, kambe loyi a twisisaka, wo timiyelela.

Swivuriso 12:11

Munhu loyi a rimaka, ú ta dya a xurha, kambe loyi a landzelelaka leswi nga pfuniki nchumu, a nga ehleketi swinene.

Swivuriso 24:30

Ndzi tshama ndzi hundza hi le nsin'wini ya munhu wo loloha loyi a nga ehleketiki swinene, laha a byalaka vhinya ya yena kona.

Swivuriso 2:2

rhiya ndleve u yingisa swa vutlhari, u tikarhatela ku twisisa swilo;