Swivuriso 6:25 - BIBELE Mahungu Lamanene

²⁵ U nga tshuki u navela ku saseka ka yena, ni ku copeta-copeta ka yena ku nga tshuki ku ku yenga.

Xitsonga (Bibele)

²⁵ U nga tshiki mbilu ya wena yi navela vubombi bya yena, U nga kokiwi hi tinxiye ta yena.

Swivuriso 6:25 Referans Kwoze

Matewu 5:28

Kambe mina ndzi ri ka n'wina: Un'wana ni un'wana la langutaka wansati hi ku n'wi navela, ú n'wi oswile embilwini ya yena.

2 TIHOSI 9:30

Loko Yehu a ri kusuhi ni ku nghena eYizriele, Yezabele a swi twa, kutani a tikhavisa mahlo, a hlovisa ni nhloko, a hlometela hansi hi le fasitereni.

Esaya 3:16

HOSI Xikwembu xi ri: “Vavasati va Yerusalema, a hi manyunyu ya vona! va famba va yimisele tinhamu ehenhla, va ni vutlhoma-mahlo ngopfu. Va famba wonge matsolo ya lo bohiwa, va chakayila hi masindza ya milenge.

Risimu ra Tinsimu 4:9

U ndzi yivile mbilu, we murhandziwa, nhwana wanga; loko u ndzi tlhava hi tihlo, wa ndzi tsakisa, vuhlalu lebyi u byi ambaleke byi ndzi koka mahlo.

Yeremiya 4:30

We “Ntshikiwani”, u tikarhatela yini hi ku ambala xivunguvungu, u tibombisa hi swingwavila swa nsuku, u tipenda ni mahlo xana? U tisasekisela mahala! Swigangu swa wena swa ku nyenya, swi lava ntsena ku ku dlaya.

Ezekiele 23:40

Naswona va rhumile tintsumi ematikweni ya le kule ti ya rhamba vavanuna; kutani vona va tile, va kuma vavasati lava va hlambile, va tipende ni mahlo, va tibombisile hi vuhlalu.

Duteronoma 5:21

“ ‘U nga tshuki u navela nsati wa munhu-kuloni; naswona u nga tshuki u navela yindlu ya yena, hambi nsimu ya yena, kumbe nandza wa yena wa xinuna ni wa xisati; ni homu ya yena, kumbe mbhongolo ya yena, kumbe xilo xihi na xihi lexi nga xa yena, u nga tshuki u xi navela.’

Ntirho 31:1

“Ndzi endlile ntwanano ni mahlo ya mina, ndzi ku, a ndzi nga ha languti vanhwanyana.