Swivuriso 6:23 - BIBELE Mahungu Lamanene

²³ Switsundzuxo i rivoni, milawu i ku vonakala, marito yo tshinya ni ku laya ma komba ndlela ya ku hanya.

Xitsonga (Bibele)

²³ Hikuva xitsundzuxo i rivoningo, ni dyondzo i ku vonakala, Ku tshinya ka ku laya i ndlela ya vutomi:

Swivuriso 6:23 Referans Kwoze

Pisalema 119:105

Rito ra wena i rivoningo endleleni ya mina, ni ku vonakala emilengeni ya mina.

2 Petro 1:19

Hikokwalaho, rito ra vaprofeta, hina hi ri kuma ri tiyile ku tlula ni khale. Mi ta va mi endla swona loko mi hlayisa swinene rito rero, ku fana ni rivoni leri voningaka lomu ku nga ni munyama, ku fikela loko vurhonga byi tshwuka, ni loko nyeleti ya mixo yi humelela etimbilwini ta n'wina.

Pisalema 19:8

Swiletelo swa HOSI swi lulamile, swi tsakisa mbilu; swileriso swa yona swi tengile, swi hanyanyisa mahlo;

Swivuriso 15:31

Loyi a nkhensaka ku tshinyiwa, ú ta hanya; loko a ri exikarhi ka lavo tlhariha, ú ta titwa a ntshunxekile.

Swivuriso 4:13

Hlayisa swiletelo, u nga swi tshiki; swi sirhelele, hikuva hi byona vutomi bya wena.

Swivuriso 4:4

tatana ú ndzi dyondzisile, a ku: “N'wananga, namarhela leswi ndzi ku byelaka swona, u hlayisa milawu ya mina embilwini ya wena, kutani u ta hanya.

Yeremiya 21:8

HOSI Xikwembu xi byela Yeremiya ku ya tivisa va le Yerusalema marito ya xona lama nge: “Hlawulani! Xana mi lava ku hanya kumbe mi lava ku fa ke?

Swivuriso 29:15

Nkhavi ni ku tshinyiwa, swa tlharihisa; n'wana la kulaka a nga layiwi, ú ta khomisa mana wa yena tingana.

Swivuriso 15:24

Ndlela leyi munhu wo tlhariha a yi khomeke, yi tlhandlukela evutomini, leswaku a ta ka a nga rheleli exivandleni xa vafi.

Pisalema 141:5

Loko munhu wo lulama a ndzi ba ni ku ndzi tshinya hi rirhandzu, eka mina i mafurha layo nun'hwela, ndzi nge ali ku cheriwa wona enhlokweni; kambe ndza ha ta khongela ndzi lwa ni mintirho ya lavo homboloka.

Nhlavutelo 2:5

Hikokwalaho ke, anakanya laha u nga suka u ri kona loko u wa, kutani hundzuka u vuyela emintirhweni leyi a wu yi endla eku sunguleni. Loko swi nga ri tano, ndzi ta ta eka wena, ndzi ta susa xitlhoma-timboni xa wena laha xi nga kona, loko u nga hundzuki.

Esaya 8:20

Leswi vanhu vo tano va swi vulavulaka, swi nge tlhaveli hi sana. N'wina tiyiselani eka leswi mi dyondzisiweke swona, leswi nga ni vumbhoni!

Swivuriso 3:18

Vutlhari i murhi lowu nyikaka vutomi eka lava va byi kumaka; lava va byi namarhelaka, va katekile!

Swivuriso 5:12

u ku: “Loko ingi ndzi lo pfumela ku layiwa, ndzi nga alanga ku tshinyiwa!

Levhitika 19:17

“Timbilu ta n'wina ti nga tshuki ti tala rivengo hi mhaka ya makwenu, kambe yanani mi ya vulavula na yena, mi ta ka mi nga tivangeli xidyoho.

Genesa 39:8

Kambe Yosefa a ala, kutani a ku ka nsati wa n'wini wa yena: “Vona, leswi ku nga na mina kwala, n'wini wanga a nga ha tikarhateli nchumu xa laha mutini wa yena; swilo swa yena hinkwaswo ú swi vekile emavokweni ya mina.

Pisalema 119:130

Loko vanhu va hlamuseriwa rito ra wena swi va pfula mahlo, vanhu va xiyimo xa le hansi swi va nyika vutlhari.

Swivuriso 10:17

Loyi a twaka ku byeriwa, ú khome ndlela ya vutomi, kasi ma-ka-tindleve wa lahleka.

Eklesiasta 7:5

La nkhensaka ku tshinyiwa hi ntlhari, ú tlula la tsakelaka ku phatiwa hi swiphunta.

Eklesiasta 7:26

Naswona, ndzi kume leswi: Wansati ú tlula rifu hi ku bava: Ú tumbelela vavanuna kukota muhloti; mbilu ya yena i ntlhamu; emavokweni ya yena, wanuna ú le khotsweni! Lava chavaka Xikwembu, va n'wi chupukela, kambe vadyohi va phasiwa hi yena.

Ezekiele 20:11

kutani ndzi va nyikile milawu ni swiletelo, leswaku un'wana ni un'wana wa vona loyi a swi hlayisaka, a ta kuma ku hanya.