Swivuriso 6:16 - BIBELE Mahungu Lamanene

¹⁶ Xana leswi HOSI Xikwembu xi swi vengaka i swilo swa 6 xana? E-e, leswi yilaka emahlweni ka xona i swilo swa 7, swi nga leswi:

Xitsonga (Bibele)

¹⁶ Ku ni swilo swa ntlhanu na xin'we leswi vengiwaka hi Yehovha, Ndzi ri ntlhanu na swimbirhi lama nga manyala eka yena:

Swivuriso 6:16 Referans Kwoze

Pisalema 11:5

HOSI yi kambela lavo lulama ni lavo homboloka; lava tsakelaka mintirho ya tihanyi yi va nyenya ngopfu.

Swivuriso 8:13

Loyi a chavaka HOSI Xikwembu ú venga leswo biha. Ku tikurisa, ni ku tiarisa, ni mahanyelo layo biha, ni ku vulavula mavunwa, ndza swi venga.

Swivuriso 11:20

Vanhu va mianakanyo yo gombonyoka, HOSI Xikwembu xa va nyenya, kambe xi tsakela lava pfumalaka xisandzu.

Swivuriso 3:32

hikuva HOSI Xikwembu xi venga munhu lowo homboloka, kasi lavo lulama, xi twanana na vona.

Duteronoma 25:16

Hinkwavo lava dyelelaka van'wana hi mimpimo leyi nga riki yona, HOSI Xikwembu xa n'wina xa va venga.

Swivuriso 17:15

Loyi a yimelelaka lowo homboloka, ni loyi a lumbetaka munhu wo lulama, HOSI Xikwembu xa va venga hinkwavo.

Swivuriso 11:1

Ku xavisela vanhu swilo hi mpimo lowu nga riki wona, HOSI Xikwembu xa swi venga, kambe mpimo lowu wu nga wona, xa wu tsakela.

Amosi 2:1

HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Mowabu, hikuva va dyoha va vuyelela-vuyelela: Va hisile marhambu ya hosi ya Edomu, ku sala nkuma ntsena.

Amosi 1:11

HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Edomu, hikuva va dyoha va vuyelela-vuyelela: Va hlotile vamakwavo ku va dlaya, va ala ku va twela vusiwana; va hlundzukile swi nga heli, va nga pfumeli ku tshika vukari bya vona.

Amosi 1:9

HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Tiri, hikuva va dyoha va vuyelela-vuyelela: Va yisile mintshungu ya vanhu evukhumbini, va va nyiketa eka Vaedomu, va tshova ntwanano wa xinakulobye.

Amosi 1:6

HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Gaza, hikuva va dyoha va vuyelela-vuyelela: Va yisile mintshungu ya vanhu evukhumbini, va ya va nyiketa eka Vaedomu.

Amosi 1:3

HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Damaska, hikuva va dyoha va vuyelela-vuyelela: Va xanisile vaaki va muti wa Giliyadi hi ku va handzulela hi tihariki ta nsimbhi.

Swivuriso 30:21

Xana swilo leswi tsekatsekisaka tiko, leswi ri nga kotiki ku swi tiyisela, i swinharhu xana? E-e, i mune, swi nga leswi:

Swivuriso 20:23

Ku xavisela vanhu xilo xin'we hi mimpimo yo hambana, HOSI Xikwembu xa swi venga, ku tirhisa mimpimo leyi nga riki yona, a swi laveki.

Duteronoma 24:4

Loko timhaka ti fambile hi ndlela yoleyo, nuna wo sungula loyi a hlongoleke wansati loyi, a nga ka a nga pfumeleriwi ku tlhela a n'wi teka a va nsati wa yena, hikuva wansati loyi ú nyamisiwile; ku endla sweswo i manyala eka HOSI Xikwembu. Mi nga tshuki mi tisa xidyoho etikweni leri HOSI Xikwembu xi mi nyikaka rona leswaku ri va ndzhaka ya n'wina.

Duteronoma 23:18

Naswona mali leyi kumiwaka hi ndlela leyi, mi nga tshuki mi yi yisa endlwini ya HOSI Xikwembu xa n'wina, naswona mi nga hetisi ku hlambanya ka n'wina ha yona, hikuva vunghwavava bya le swivandleni swa vukhongeri bya hava i manyala eka HOSI Xikwembu.

Amosi 2:6

HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Israele, hikuva va dyoha va vuyelela-vuyelela: Va kumile mali hi ku xavisa vanhu lava lulameke, va xavisile ni swisiwana hi nxavonyana wa tintanghu.

Amosi 2:4

HOSI yi vurisa sweswo, yi ri: “Ndzi nga ka ndzi tshiki ku ba vanhu va le Yuda, hikuva va dyoha va vuyelela-vuyelela: Va tshikile nawu wa mina HOSI, ni swileriso swa mina a va swi hlayisanga; va hambukile va ya tirhela swikwembu swa hava, leswi vatata wa vona va swi tirheleke.

Swivuriso 30:29

Xana swilo leswi mafambele ya swona ma tsakisaka, i swinharhu xana? E-e, i mune, swi nga leswi:

Swivuriso 20:10

Ku xavisela vanhu xilo xin'we hi mimpimo yo hambana, HOSI Xikwembu xa swi venga.

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.

Swivuriso 30:24

Swivumbiwa swa mune leswitsongo swa laha misaveni leswi tlhariheke ngopfu, hi leswi:

Swivuriso 30:18

Swilo leswi swi ndzi hlamarisaka, leswi ndzi nga kotiki ku swi twisisa, i swinharhu xana? E-e, i mune, swi nga leswi:

Swivuriso 6:15

Hikokwalaho, ú ta wela hi khombo a nga ehleketanga, ú ta jumiwa a wiseriwa ehansi, a nga ha pfuki.

Swivuriso 6:17

Munhu loyi a tikurisaka, ni loyi a vulavulaka mavunwa, ni loyi a halataka ngati mahala,

Yeremiya 26:15

Kambe tivani leswaku loko mi ndzi dlaya, mi ta va mi halatile ngati leyi nga riki na nandzu, kutani hi n'wina ni vaaki va muti lowu lava mi nga ta va ni nandzu, hikuva loyi a ndzi rhumeke ku mi byela marito hinkwawo lawa mi ma tweke, i HOSI Xikwembu hi xiviri xa xona.”

Zakariya 8:17

Mi nga bohi makungu ya ku onhelana, naswona mi nga pfumeli ku hlambanya hi mavunwa, hikuva swilo leswi hinkwaswo ndza swi venga! Ndzi vula sweswo mina HOSI.”

2 TIHOSI 21:16

Manase ú dlayile vanhu lavo tala ngopfu, lava a va nga ri na nandzu, muti wa Yerusalema wu ko wu tala hi ngati ya vona, matlhelo hinkwawo. Xidyoho lexi, ú xi engeterile eka swidyoho swin'wana leswi a nga dyohisa vanhu va Yuda ha swona, loko a va kucetela ku endla leswo biha emahlweni ka HOSI Xikwembu.

Ntirho 5:19

Hambiloko u nga wela hi makhombo layo tala ku tlula mpimo, xi ta ku ponisa eka wona, leswo biha a swi nga ku tshineleli.

Pisalema 5:7

Kasi mina ndzi ta nghena endlwini ya wena, hikwalaho ka tintswalo ta wena leto tala; ndzi ta nkhinsama emahlweni ka Tempele ya wena leyo hlawuleka; ndzi ku khongela hi xichavo.

Swivuriso 12:22

HOSI Xikwembu xi nyenya lava vulavulaka mavunwa, kambe lava tshembekaka, xa va tsakela.

Swivuriso 21:4

Ku tikurisa ni manyunyu i rivoni ra lavo homboloka, kambe swa va dyohisa.