Swivuriso 6:15 - BIBELE Mahungu Lamanene

¹⁵ Hikokwalaho, ú ta wela hi khombo a nga ehleketanga, ú ta jumiwa a wiseriwa ehansi, a nga ha pfuki.

Xitsonga (Bibele)

¹⁵ Hikwalaho ku onhaka ka yena ku ta n'wi tshukisa, U ta lova hi nomu lowu, ku nga ri na murhi.

Swivuriso 6:15 Referans Kwoze

Yeremiya 19:11

kutani u ta vulavula na vona u va byela leswaku mina HOSI ya matimba hinkwawo ndzi ri: ‘Ndzi ta faya vanhu lava ni muti lowu, ku fana ni loko munhu a faya xibya xa vumba, xi huma swirhengele ntsena. A ku nga ha vi na ndhawu yin'wana yo lahla vanhu eka yona, va to cukumetiwa eTofete!

2 TIKRONIKA 36:16

Kambe vanhu va kona va yile emahlweni va sandza malandza ya Xikwembu, va ala ku amukela marito ya xona, va hlekula vaprofeta va xona, ku kondza HOSI Xikwembu xi chululela vukari bya xona ehenhla ka vona, ku pfumaleka ni loyi a ponaka eka byona.

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

Swivuriso 1:27

loko nchavo wu mi terile tanihi xidzedze, ni makhombo ma ta ku fana ni xihuhuri, ni loko mi fikeriwile hi gome ni nhlomulo.

Swivuriso 29:1

La tshinyiwaka, kambe a ala a tiomisa nhloko, ú ta wa a tshoveka a nga ehleketanga, kutani a nge he tshunguleki.

Pisalema 50:22

N'wina mi ndzi rivaleke, yingisani leswi! Handle ka swona, ndzi ta mi handzulela, ku ri hava ni loyi a nga mi lamulelaka.

Pisalema 55:15

Rifu a ri va khubumete, a va rhelele va ya exivandleni xa vafi va ri karhi va hanya, hikuva leswo homboloka swi tele emitini ya vona ni le timbilwini ta vona.

Swivuriso 1:26

Hikokwalaho, na mina ndzi ta mi hlekula loko khombo ri mi fikerile, ndzi ta mi yowetela loko mi ri karhi mi rhurhumela hi ku chava,

Swivuriso 6:16

Xana leswi HOSI Xikwembu xi swi vengaka i swilo swa 6 xana? E-e, leswi yilaka emahlweni ka xona i swilo swa 7, swi nga leswi:

Swivuriso 14:32

Munhu wo homboloka ú wisiwa hi mintirho ya yena leyo biha, kasi lowo lulama ú sirheleriwa hi mahanyelo ya yena lamanene.

Swivuriso 24:16

hikuva munhu la lulameke, hambiloko o wa ka 7, ú tlhela a pfuka, kambe loko khombo ri fika, lavo homboloka va khuguka va wela makumu.

Swivuriso 24:22

hikuva vanhu lava va ta hatla va wela ekhombyeni, naswona i mani loyi a tivaka siku leri va nga ta herisiwa ha rona, xana?

Ezekiele 11:13

Kutani loko ndzi ri karhi ndzi vulavula, Pelatiya n'wana Benaya o tshuka a lova. Hiloko ndzi wa hansi hi mombo, ndzi rila eka Xikwembu hi rito leri tlakukeke, ndzi ku: “Yo HOSI N'wini wanga, xana masalela ya Vaisraele, u lava ku ma herisela makumu xana?”