Swivuriso 6:12 - BIBELE Mahungu Lamanene

¹² Munhu loyi a rhendzelekaka a ri karhi a hangalasa mavunwa, a nga pfuni nchumu, ú bihile.

Xitsonga (Bibele)

¹² I munhu wa hava, wo homboloka, La fambaka hi nomu wa ku kanganyisa;

Swivuriso 6:12 Referans Kwoze

Matewu 12:34

“N'wina rixaka ra timhiri, mi nga swi kotisa ku yini ku humesa marito lamanene, leswi mi nga lavo biha ke? Nomo wu vula leswi mbilu yi teleke swona.

Swivuriso 16:27

Loyi a nga pfuniki nchumu, ú luka mano layo biha, leswi humaka enon'weni wa yena, i malangavi ya ndzilo.

Swivuriso 4:24

U nga tshuki u vulavula swo homboloka, papalata ni marito ya vuxisi.

1 Timotiya 5:13

Naswona, vavasati va tinoni lavantshwa va dyondza ku loloha; va rhendzeleka ni mindyangu ya van'wana, ku nga ri hi mhaka ya ku loloha ntsena, kambe va hundzuka vahlevi ni vavangi va swicele hi ku famba va vulavula leswi va nga faneriki ku swi vula.

Timhaka 20:30

naswona, ndzi tiva leswaku ku ta huma van'wana exikarhi ka n'wina lava nga ta vula mavunwa ku tilavela vadyondzisiwa.

Swivuriso 17:4

Munhu wa mahanyelo yo biha, ú lava ngopfu ku yingisela marito ya lavo homboloka, lowa mavunwa, ú landzelela ngopfu swicele.

Swivuriso 8:13

Loyi a chavaka HOSI Xikwembu ú venga leswo biha. Ku tikurisa, ni ku tiarisa, ni mahanyelo layo biha, ni ku vulavula mavunwa, ndza swi venga.

Pisalema 59:7

Twana! Milomo ya vona yi humesa nhlambha ntsena, marito ya vona ma tlhava kukota tlhari, va ehleketa leswaku ku hava loyi a nga va twaka.

Yakobo 3:6

Ririmi i ndzilo, ku homboloka ka rona ku ringana ni tiko hi vukulu. Ri le xikarhi ka swirho swa hina, kutani ri nyamisa miri hinkwawo, ri chela mpfundze evutomini hinkwabyo bya vanhu; ndzilo wa kona wu huma eTiheleni.

Swivuriso 11:6

Lavo lulama va ponisiwa hi mintirho ya vona, kasi vakanganyisi va phasiwa hi ku navela ka vona.

Swivuriso 6:14

minkarhi hinkwayo, u le ku lukeni ka mano layo biha, a pfuxa madzolonga.

Swivuriso 2:12

swi ta ku sivela ku endla leswo biha, ni ku nghena eka swivulavula swa vanhu lavo homboloka;

Pisalema 36:3

Leswi a swi vulavulaka i mavunwa ni ku kanganyisa ntsena; ku tiva ni ku endla leswinene, ú swi tshikile khale.

Pisalema 10:7

Nomo wa yena wu tele nhlambha, ni vumbabva, ni marito lama chavisaka; eku vulavuleni ka yena, ú haxa manyala ni vubihi.

Pisalema 10:3

Munhu lowo homboloka ú tibumabuma hi ku navela ka yena loku biheke, a nga kolwi ku bindzula, a rhuketela ni ku sandza HOSI.

Yakobo 1:21

Hikokwalaho, susani thyaka hinkwaro ni vubihi hinkwabyo lebyi hatlaka ku mila, kutani mi amukela hi ku titsongahata rito leri byariwaka etimbilwini ta n'wina, leri kotaka ku mi ponisa.

Yeremiya 24:2

Endzeni ka xirhundzu xin'we, a ku ri ni makuwa layo saseka swinene yo fana ni ya matatana; kasi exirhundzwini lexin'wana a ku ri ni makuwa lama boleke, lawa ku nga riki na munhu loyi a nga navelaka ku ma dya.

1 SAMIELE 17:28

Loko Eliyabu a twa ndzisana ya yena Davhida a ri karhi a vutisa vanhu lava, a n'wi karihela swinene, a ku: “U tele yini haleno xana? Ntlhambinyana lowa tinyimpfu wu sele na mani le nhoveni xana? Ndza ku tiva, u na xikulela wena, ni makungu ya wena layo biha ndza ma tiva: Wena u lo tela ku ta vona nyimpi haleno ntsena!”

Swivuriso 10:32

Munhu la lulameke ú vulavula leswi nga swona, kasi lavo homboloka va vulavula mavunwa ntsena.

Pisalema 101:3

ndzi tshika mintirho hinkwayo leyo hombokoka. Lava landzulaka Xikwembu, ndzi ta lwa na vona, ndzi nge pfuki ndzi twananile na vona!

Swivuriso 3:32

hikuva HOSI Xikwembu xi venga munhu lowo homboloka, kasi lavo lulama, xi twanana na vona.

Swivuriso 16:30

Loyi a tshunyetaka hi mahlo, u le ku lukeni ka mano layo biha, loyi a lumaka nomo, ú hetile makungu ya yena layo homboloka.