Swivuriso 5:4 - BIBELE Mahungu Lamanene

⁴ kambe eku heteleleni, wa bava ku fana ni xibaha, wa kariha kukota mukwana wa xinyayi.

Xitsonga (Bibele)

⁴ Kambe eku heteleleni, timhaka ta yena ti bava kukota nkaka, Ti tlhava kukotisa tlhari lero kariha ematlhelo mambirhi.

Swivuriso 5:4 Referans Kwoze

Eklesiasta 7:26

Naswona, ndzi kume leswi: Wansati ú tlula rifu hi ku bava: Ú tumbelela vavanuna kukota muhloti; mbilu ya yena i ntlhamu; emavokweni ya yena, wanuna ú le khotsweni! Lava chavaka Xikwembu, va n'wi chupukela, kambe vadyohi va phasiwa hi yena.

Pisalema 57:4

Ndzi etlela exikarhi ka tinghala, va nga vanhu lava mitetelaka van'wana; milomo ya vona i matlhari ni miseve, marito ya vona ma kariha onge i mikwana leyi lotiweke.

Pisalema 55:21

Marito ya yena a ma tsokombela wonge i vulombe, kambe a a ehleketa ntsena ku pfuxa tinyimpi; ku vulavula ka yena a ku rhetela kukota mafurha, kambe embilwini a a hlome matlhari.

Vaheveru 4:12

Hikuva Rito ra Xikwembu ra hanya, naswona ra tirha, ri kariha ku tlula tlhari rin'wana ni rin'wana leri lotiweke matlhelo mambirhi, ri tlhava ku ya fika emahlanganeni ya hika ni moya, ni ya marhambu ni mongo, ri kota ku hlaya mianakanyo ni makungu ya mbilu.

Swivuriso 9:18

Vanhu a va swi tivi leswaku ka fiwa emutini wa wansati loyi, lava va n'wi endzeleke, va le xivandleni xa vafi.