Swivuriso 5:22 - BIBELE Mahungu Lamanene

²² Milandzu ya munhu wo biha yi dlayisa yena n'winyi, ú phasiwa hi ntlhamu wa swidyoho swakwe,

Xitsonga (Bibele)

²² Muxisi u ta phasiwa hi ku biha ka yena, U ta bohiwa hi mapindza ya ku dyoha ka yena.

Swivuriso 5:22 Referans Kwoze

Swivuriso 11:5

La nga riki na nandzu, ú basiseriwa ndlela hi ku lulama ka yena, kasi lowo homboloka ú wisiwa hi swiendlo swa yena.

Swivuriso 1:18

Vanhu lava va le ku rhiyeni ka ntlhamu lowu nga ta tlhela wu phasa vona; eku tumbeleleni ka vona, hi vona va nga ta lahlekeriwa hi vutomi.

Pisalema 9:15

Vamatiko va hojomerile ekheleni leri va ri celeke; ntlhamu lowu a va wu rhiyile, wu tlhele wu phasa milenge ya vona.

Vaheveru 13:4

Ku tekana a ku ve loku xiximiwaka hi vanhu hinkwavo, vukati byi nga onhiwi hi ku kanganyisana, hikuva Xikwembu xi ta avanyisa timbhisa ni vaoswi.

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Eklesiasta 7:26

Naswona, ndzi kume leswi: Wansati ú tlula rifu hi ku bava: Ú tumbelela vavanuna kukota muhloti; mbilu ya yena i ntlhamu; emavokweni ya yena, wanuna ú le khotsweni! Lava chavaka Xikwembu, va n'wi chupukela, kambe vadyohi va phasiwa hi yena.

Swivuriso 11:3

Ku tshembeka ka lava lulameke ku va komba ndlela, kambe vumbabva bya vakanganyisi byi va peta nhloko.

Tinhlayo 32:23

Kambe loko mi nga endlisi sweswo, mi ta va mi dyoherile HOSI Xikwembu; kutani mi swi tiva leswaku mi ta xanisekela swidyoho swa n'wina.

Vaavanyisi 20:41

Kavaloko vavanuna va Israele va hundzuluka, kutani va ka Benjamini va hlangana tinhloko, hikuva a va swi vona leswaku khombo ri va fikerile.

Pisalema 40:12

Ndzi rhendzeriwe hi makhombo layo tala ngopfu; swidyoho swa mina swi ndzi kumile swi ndzi pfale ni mahlo, swi tlula ni misisi ya mina hi ku tala, kutani ndzi hela matimba.

Swirilo 1:14

“N'wini wa hinkwaswo ú bohelerile swidyoho swa mina hi voko ra yena, swi hundzuka joko, a ri tlhandleka enhan'wini ya mina, a ndzi heta matimba; a ndzi nyiketa emavokweni ya lava ndzi va chavaka.

Vaavanyisi 9:57

Naswona Xikwembu xi vangela vanhu va Xikeme ku xaniseka, va riha mintirho ya vona leyo biha, hilaha Yotamu n'wana Yerubaali a a vurile hakona loko a va rhuketela.

1 TIHOSI 18:18

Eliya a hlamula a ku: “A hi mina la pfilunganyaka tiko ra Israele, kambe hi wena swin'we ni va ndyangu wa tata wa wena, hikuva mi tshikile swileriso swa HOSI Xikwembu, mi ya gandzela swifaniso swa Baali.

Estere 9:25

kambe loko Estere a yile eka hosi, yi humesile xileriso lexi tsariweke, leswaku makungu lawa yo biha lawa Hamani a a ma endlerile Vayuda, ma tlhela ma vangela yena n'wini wa wona ekhombo, ni leswaku yena Hamani ni vana va yena va hayekiwa etimhandzeni.

Ntirho 18:8

Milenge ya yena yi n'wi yisa eritavaleni, a hojomela ekheleni,

Pisalema 9:17

Lavo homboloka va kongoma exivandleni xa vafi, va nga vamatiko hinkwavo lava nga riki na mhaka na Xikwembu.

Swivuriso 11:6

Lavo lulama va ponisiwa hi mintirho ya vona, kasi vakanganyisi va phasiwa hi ku navela ka vona.

Swivuriso 12:14

Munhu ú kuma hakelo leyinene ya marito ya yena, mintirho ya mavoko ya yena ya n'wi vuyerisa.

Swivuriso 14:32

Munhu wo homboloka ú wisiwa hi mintirho ya yena leyo biha, kasi lowo lulama ú sirheleriwa hi mahanyelo ya yena lamanene.

Swivuriso 18:7

Nomo wa xiphunta wu xi vangela khombo, xi tiphasa hi marito ya xona.

Swivuriso 24:12

Loko u ku: “Leswi, hina a hi nga swi tivi!” xana Loyi a vonaka swa le mbilwini, a nge swi kumi leswaku wa hemba xana? Loyi a hlayisaka vutomi bya wena, ú ta swi tiva, kutani ú ta avanyisa un'wana ni un'wana hi ku ya hi mintirho ya yena.

Swivuriso 26:27

La celaka khele, ú ta wela eka rona, la khunguluxaka ribye, ri ta pyanya yena.

Obadiya 1:15

“Siku leri mina HOSI ndzi nga ta avanyisa vanhu va matiko hinkwawo, ri tshinele. N'wina vamatiko, leswi mi swi endleke va ka Yakobo, mi ta endliwa swona na n'wina.