Swivuriso 5:20 - BIBELE Mahungu Lamanene

²⁰ N'wananga, hikwalaho ka yini u yiviwa mbilu hi wansati wa dlakuta, xana? U n'wi vukarhela yini xana?

Xitsonga (Bibele)

²⁰ N'wananga, u nga kokisiwa ku yini hi nsati wa mbiri? U nga tikhumbarhetisa ku yini exifuveni xa nghwavavana xana?

Swivuriso 5:20 Referans Kwoze

Swivuriso 7:5

Swi ta ku ponisa eka wansati wa dlakuta, loyi a nga tshembekangiki, wa marito yo tsokombela.

Swivuriso 6:24

Hi swona swi nga ta ku sirhelela eka wansati wo biha mbilu, loyi a nga tshembekangiki, wa ririmi ro tsokombela.

Swivuriso 23:33

Mahlo ya wena ma ta vona swilo, u ta vulavula swo huma endleleni.

Swivuriso 22:14

Marito ya wansati wa dlakuta, i khele leri enteke, laha ku hojomelaka loyi a hlundzukeleke hi HOSI Xikwembu.

1 TIHOSI 11:1

Hosi Solomoni ú rhandzene ni vavasati lavo tala va tinxaka timbe: Ehandle ka N'wa-Faro, ú tekile vasati exikarhi ka Vamowabu, ni Vaamoni, ni Vaedomu, ni Vasidoni, ni Vahiti.

Swivuriso 5:3

Milomu ya wansati wa dlakuta yi tenga-tenga vulombe, ririmi ra yena ri rhetela kukota mafurha,

Malakiya 2:14

Kutani n'wina mi vutisa mi ku: “Hikwalaho ka yini HOSI Xikwembu xi nga ha swi amukeli xana?” Nhlamulo hi leyi: Hi leswi HOSI Xikwembu xi nga va mbhoni exikarhi ka wena ni nsati loyi u n'wi tekeke wa ha ri jaha. Wena a wu tshembekanga eka yena, hambileswi a a ri nsati wa wena wa xitekwa, loyi a wu tihlawulerile yena.

Malakiya 2:16

HOSI Xikwembu xa Israele xi ri: “Ku tshikana, ndza swi venga, hikuva i ntirho wa tihanyi. Ndzi vula sweswo, mina HOSI ya matimba hinkwawo. Hikokwalaho tivoneleni, mi nga vi lava nga tshembekangiki.”