Swivuriso 5:16 - BIBELE Mahungu Lamanene

¹⁶ U nga tshiki mati ya kona ma khulukela ehandle, u nga pfumeli leswaku ma halateriwa erivaleni.

Xitsonga (Bibele)

¹⁶ Xana swihlovo swa wena swi nga hangalakisa ku yini erivaleni? Ni swinambyana swa wena swi nga khulukela emitsendzeleni xana?

Swivuriso 5:16 Referans Kwoze

Pisalema 128:3

Emutini wa wena, nsati wa wena ú ta fana ni murhi wa vhinya lowu vekaka mihandzu leyo tala. Vana va wena va xinuna va ta fana ni swihluke swa murhi wa mutlhwari, loko va tshama na wena eswakudyeni.

Pisalema 127:3

Vana va xinuna i nyiko yo huma eka HOSI, hakunene ku va ni vana i nkateko.

Esaya 48:21

Vanhu lava HOSI Xikwembu xi va fambiseke emananga, a va karhatiwanga hi torha, hikuva xi va humeserile mati eribyeni; xi ri pandzile, kutani mati ma huma hi matimba.

Pisalema 68:26

Va yimbelela va ku: “Eminkhubyeni ya n'wina, tlangelani Xikwembu, nkhensani HOSI, yona xihlovo xa Israele!”

Vaavanyisi 12:9

Ibisani a a ri ni vana va vafana va 30 ni vanhwanyana va 30. Ú pfumelerile vana va yena va vanhwanyana ku ya tekiwa ematikweni man'wana. Lava va vafana va 30 na vona ú va pfumelerile ku ya teka vanhwanyana va 30 ematikweni ya le handle, va va vasati va vona. Ibisani ú vile murhangeri wa Vaisraele ku ringana malembe ya 7.

Duteronoma 33:28

Hikokwalaho, Vaisraele va tshamile hi ku hlayiseka, vatukulu va Yakobo va tshamisekile, etikweni ra mavele ni vhinya, laha mberha ya le tilweni yi welaka kona.

Genesa 24:60

Kutani va kombelela Rhaveka minkateko va ku: “Makwerhu, mawaku loko u nga va ni vana va magidi-gidi; vatukulu va wena, a va hlule valala va vona.”

Swivuriso 5:15

Nsati wa wena i xihlovo xa mati lawa yo tenga, timula torha ra wena exihlobyeni xexo!

Swivuriso 5:17

Mati lawa a ma ve ya wena ntsena, u nga siyerisani ni vaakelani va wena.

Swivuriso 5:18

Tiphine hi nsati loyi u n'wi tekeke loko wa ha ri jaha, tsakisa yena a nga xihlovo xa wena.

Swivuriso 9:17

“Mati lama yiviweke, a hi ku nandziha ka wona, swakudya swa le xihundleni, swi tsakisa ngopfu.”

Risimu ra Tinsimu 4:12

Murhandziwa, ye nhwana wanga, i ntanga lowu biyeleriweke, o va wona hakunene! I xihlovo lexi funengetiweke.

Risimu ra Tinsimu 4:15

I xihlovo xa le ntangeni, xihlovo xa mati lama pfelelaka, i xinambyana lexi khulukaka, xi khuluka xi huma eLebanoni.