Swivuriso 4:7 - BIBELE Mahungu Lamanene

⁷ Xilo xo sungula i vutlhari: Tilavele byona, u tilavela ni ku twisisa, hambiloko swi ku tekela swilo swa wena hinkwaswo.

Xitsonga (Bibele)

⁷ Ku sungula ka vutlhari, i ku lava byona; U xava ku anakanya hi hinkwaswo leswi u nga na swona,

Swivuriso 4:7 Referans Kwoze

Eklesiasta 7:12

Vutlhari byi sirhelela munhu, hilaha mali yi n'wi sirhelelaka hakona; ku va ni vutivi, swa pfuna: Vutlhari byi hanyisa vinyi va byona.

Swivuriso 23:23

Xava ntiyiso, u nga wu xavisi, xava vutlhari, ni swiletelo, ni ku twisisa.

Swivuriso 16:16

Ku kuma vutlhari, swi tlula ku kuma nsuku, ku hlawula ku twisisa, swi tlula ku hlawula silivhere.

Vafilipiya 3:8

Ku nga ri swona ntsena: Ndzi tekile hinkwaswo swi ri leswi nga ha pfuniki nchumu, loko swi ringanisiwa ni risima leri tlulaka hinkwaswo ra ku tiva Kriste Yesu Hosi ya mina. Hikwalaho ka yena, ndzi fularhele hinkwaswo ndzi swi vona swi ri thyaka ntsena, leswaku ndzi ta kuma Kriste,

Luka 12:20

Kambe Xikwembu xi ku ka yena: ‘Wee xihunguki! Hi vusiku byebyi, u ta tekeriwa moya wa wena; kutani leswi u swi lunghiseke swi ta va swa mani xana?’ ”

Pisalema 119:104

Swiletelo swa wena swa ndzi tlharihisa, hikokwalaho ndzi vengaka tindlela hinkwato ta mavunwa.

Luka 10:42

kasi xilo lexi lavekaka ngopfu i xin'we ntsena, kutani Mariya ú tihlawulele ku averiwa lokunene, loku a nga ta ka a nga tekeriwi kona.”

Swivuriso 21:6

Xuma lexi kumiweke hi ndlela ya vuxisi, xi dzudzeka ku fana ni mberha, i ntlhamu lowu vangelaka rifu.

Eklesiasta 4:8

Munhu la tshamaka a ri yexe, la pfumalaka n'wana kumbe makwavo, a nga tshiki ku tirha a dzuka nyuku, hikuva a nga kolwi hi rifuwo ra yena. Ú rivala ku tivutisa, a ku: “Xana ndzi tikarhatela mani, ndzi titsonela yini leswo nandziha, xana?” Na swona sweswo, a swi pfuni nchumu, i ku tikarhatela mahala ntsena.

Swivuriso 4:5

Tilavele vutlhari ni ku twisisa; leswi ndzi ku byeleka swona, u nga tshuki u swi rivala, kumbe ku swi fularhela.

Swivuriso 8:23

ndzi nyikiwile xivumbeko khale ni misava yi nga si va kona.

2 TIKRONIKA 1:10

Ndzi kombela ku nyikiwa vutlhari ni ku twisisa, ndzi ta kota ku fambisa vanhu lava, hikuva va tele ngopfu; loko swi nga ri tano, swi nga ndzi tsandza ku fa fambisa!”

Swivuriso 2:4

swi hlote ku fana ni silivhere, u swi lava ku fana ni xuma lexi fihliweke,