Swivuriso 4:12 - BIBELE Mahungu Lamanene

¹² Loko u famba, u nga ka u nga khuguriwi, ni loko u tsutsuma, u nga ka u nga wi.

Xitsonga (Bibele)

¹² Loko u famba, u nga ka u nga kamiwi milenge, Loko u tsutsuma, u nga ka u nga khunguvanyeki.

Swivuriso 4:12 Referans Kwoze

Swivuriso 3:23

kutani tindlela ti ta ku basela, a ku nga vi na nchumu lexi nga ta ku khugula.

Pisalema 18:36

U ndzi boxela ndlela yo anama yo famba ha yona, kutani milenge ya mina a yi rhetemuki.

1 Petro 2:8

Naswona, “I ribye leri nga ta khugula vanhu, i tambha leri nga ta va wisa.” Va khunguka va wa hikuva va ala ku yingisa Rito, hilaha swi nga bohiwa hakona khale, leswaku va ta endla swona.

2 SAMIELE 22:37

U ndzi boxele ndlela yo anama yo famba ha yona, kutani milenge ya mina a yi rhetemuki.

Swivuriso 4:19

Kambe mahanyelo ya lavo homboloka i xinyami lexikulu, ni leswi swi va khugulaka, a va swi tivi!

Yeremiya 31:9

Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Swivuriso 6:22

Loko u ri eku fambeni, swi ta ku komba ndlela, swi ta ku sirhelela loko u etlele, loko u pfuka, swi ta vulavula na wena.

Pisalema 119:165

Lava rhandzaka nawu wa wena, va ni ku rhula lokukulu, ku hava lexi xi nga va khugulaka va wa.

Pisalema 119:45

Ndzi ta hanya ndzi ntshunxekile, hikuva ndzi ta va ndzi landzile swiletelo swa wena.

Swivuriso 2:9

Loko u yingisa, u ta twisisa leswi lulameke, u tiva milawu leyinene ni ntiyiso, u tiva ni hinkwaswo leswi lavekaka,