Swivuriso 3:32 - BIBELE Mahungu Lamanene

³² hikuva HOSI Xikwembu xi venga munhu lowo homboloka, kasi lavo lulama, xi twanana na vona.

Xitsonga (Bibele)

³² Hikuva munhu wo homboloka i manyala eka Yehovha, Kambe xihundla xa yena, xi na lava lulameke.

Swivuriso 3:32 Referans Kwoze

Pisalema 25:14

HOSI Xikwembu i nakulobye wa lava va xi chavaka, xi va tivisa leswi ntwanano wa xona wu lavaka swona.

Yohane 15:15

A ndza ha mi vuri malandza, hikuva nandza a nga tivi lexi n'wini wa yena a xi endlaka; kambe ndzi mi vurile vanakulorhi, hikuva ndzi mi tivisile hinkwaswo leswi ndzi swi tweke eka Tata wa mina.

Swivuriso 11:20

Vanhu va mianakanyo yo gombonyoka, HOSI Xikwembu xa va nyenya, kambe xi tsakela lava pfumalaka xisandzu.

Matewu 13:11

A va hlamula, a ku: “Hileswaku n'wina, mi nyikiwile ku tiva swihundla swa Mfumo wa matilo, kambe vona a va nyikiwanga.

Swivuriso 17:15

Loyi a yimelelaka lowo homboloka, ni loyi a lumbetaka munhu wo lulama, HOSI Xikwembu xa va venga hinkwavo.

Swivuriso 8:13

Loyi a chavaka HOSI Xikwembu ú venga leswo biha. Ku tikurisa, ni ku tiarisa, ni mahanyelo layo biha, ni ku vulavula mavunwa, ndza swi venga.

Matewu 11:25

Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo.

Pisalema 18:26

U komba ku tenga ka wena eka loyi a tengeke; kambe u komba ku tlhariha ka wena eka loyi a endlaka leswo homboloka.

Ntirho 29:4

Eminkarhini ya kona, a ndza ha tiyile swinene, Xikwembu a xi ri nakulorhi, xi sirhelela muti wa mina.

Nhlavutelo 2:17

“ ‘Loyi a nga ni tindleve, a a yingise leswi Moya wu swi byelaka tikereke. Loyi a hlulaka, ndzi ta n'wi nusela manna leyi fihliweke; naswona ndzi ta n'wi nyika ribye lero basa, leri vito lerintshwa ri tsariweke ehenhla ka rona, vito leri ku nga riki na loyi a ri tivaka ehandle ka loyi a nyikiwaka rona.’ ”

Luka 16:15

Yena a ku ka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi vanhu va swi tekaka swi ri swa le henhla, emahlweni ka Xikwembu a hi nchumu.

Swivuriso 14:10

Mahlomulo ma twa hi n'winyi wa wona, ni ntsako wa yena wu nga ka wu nga twi hi un'wana.

Yohane 7:17

Loko munhu a navela ku endla ku rhandza ka Xikwembu, ú ta tiva loko dyondzo leyi yi huma eka Xikwembu, kumbe loko ndzi tivulavulela swa mina ntsena?

Esaya 41:24

Vonani, a mo va nchumu, a ku na lexi mi nga xi tirhaka, lava va mi namarhelaka, va ndzi nyangatsa.