Swivuriso 3:3 - BIBELE Mahungu Lamanene

³ Namarhela tintswalo ni ku tshembeka; swi bohelele enhan'wini, u swi fihla endzeni ka mbilu ya wena.

Xitsonga (Bibele)

³ Vunene ni ntiyiso swi nga tshuki swi avana na wena; Titsimbe swona enhan'wini ya wena, u swi tsala embilwini ya wena:

Swivuriso 3:3 Referans Kwoze

2 Vakorinto 3:3

Swa vonaka swinene leswaku n'wina mi papila ra Kriste, leri humesiweke hi hina, leri tsariweke ku nga ri hi inki kambe hi Moya wa Xikwembu lexi hanyaka; a ri tsariwanga ematambheni ya maribye, kambe ri tsariwile etimbilwini ta vanhu.

Swivuriso 7:3

swi bohe etintihweni ta wena, u swi fihla emakorhweni ya mbilu ya wena.

Vaheveru 10:16

“Lowu hi wona ntwanano, lowu ndzi nga ta wu endla na vona, endzhaku ka masiku walawo, ku vula Hosi: Ndzi ta nghenisa milawu ya mina etimbilwini ta vona, ndzi yi tsala emiehleketweni ya vona.”

Swivuriso 6:21

swi hlayise embilwini ya wena swi tshama kona minkarhi hinkwayo, u swi boha enhan'wini ya wena.

Malakiya 2:6

Valevhi lava a va dyondzisa milawu ya ntiyiso; leswi a va swi vulavula, a swi nga hoxekanga. A va hanya emahlweni ka mina hi ku rhula ni ku lulama, va sivela lavo tala ku wela eka leswo biha.

Vaefesa 5:9

hikuva ku vonakala, hi kona loku vekaka mihandzu leyo tala, yi nga ya vunene ni ku lulama ni ntiyiso.

Swivuriso 16:6

Munhu loyi a nga ni tintswalo, a tlhela a tshembeka, HOSI Xikwembu xa n'wi rivalela milandzu ya yena, naswona loyi a xi chavaka, ú kota ku papalata leswo biha.

Swivuriso 20:28

Hosi leyi nga ni tintswalo ni ku tshembeka, yi ta hlayiseka, vuhosi bya yona byi ta tiyisiwa hi leswo lulama.

Swivuriso 1:9

Swi ta va harhi yo saseka enhlokweni ya wena, ni vuhlalu bya nkoka enhan'wini ya wena.

Pisalema 119:11

Leswi u swi vulaka, ndzi swi veka eku enteni ka mbilu yanga, leswaku ndzi nga ku dyoheli.

Pisalema 25:10

Tindlela hinkwato ta HOSI Xikwembu ti komba rirhandzu ra xona ni ku tshembeka ka xona eka lava hlayisaka ntwanano wa xona ni switsundzuxo swa xona.

Eksoda 13:9

Nkhuvo lowu wu ta va xitsundzuxo eka n'wina, ku fana ni loko mi bohile xanchumu evokweni kumbe emombyeni, leswaku mi ta kala mi nga rivali ku twarisa ni ku dyondzisa nawu wa HOSI Xikwembu, hikuva xi mi humesile etikweni ra Egipta hi matimba ya xona lamakulu.

Yeremiya 17:1

HOSI Xikwembu xi ri: “Swidyoho swa va ka Yuda swi tsariwile etimbilwini ta vona ni le timhondzweni ta tialitari ta vona, ku fana ni loko marito ma tsariwa eribyeni ra xiphepherhele hi peni yo nonon'hwa ya nsimbhi kumbe ya dayimani.

Duteronoma 6:8

Marito lawa, ma boheleleni emavokweni ya n'wina ni le mimombyeni ya n'wina, ma va xitsundzuxo.

Hosiya 4:1

Yingisani rito ra HOSI Xikwembu, n'wina vanhu va tiko ra Israele: HOSI Xikwembu xi lava ku boxa milandzu ya vaaki va tiko, hikuva etikweni ku hava ku tshembeka kumbe tintswalo, naswona vanhu a va ha vuli nchumu hi Xikwembu.

Matewu 23:23

“Mi ni khombo n'wina vatsari ni Vafarisi, hikuva mi vakanganyisi: Mi humesa vukhume bya ximbowa-mbowani, ni bya aneta, ni bya kumini, kambe a mi na mhaka ni leswikulu swa Nawu, ku nga ku lulama, ni tintswalo, ni ku pfumela; kasi a mi fanerile ku endla swilo leswi, loko mi ri karhi mi endla ni leswiya swin'wana.

2 SAMIELE 15:20

Naswona wa ha ku fika tolo kunene, kutani a swi fanelanga leswaku ndzi ku tsendzelekisa, hikuva ndzi ya lomu ni ku ku tiva ndzi nga ku tiviki; hikokwalaho, tlhela, wena ni varikwenu. Mawaku loko HOSI Xikwembu xi nga ku komba tintswalo, ni ku tshembeka ka xona!”

Pisalema 85:10

Rirhandzu ni ku tshembeka swi hlanganile, ku lulama ni ku rhula swa vukarhana.

Swivuriso 14:22

Lava lukaka mano layo biha, va endla xihoxo; lava nga ni makungu lamanene, vanhu va va tsakela ni ku va tshemba.

Eksoda 34:6

Kutani xi hundza hi le mahlweni ka Muxe, xi ri karhi xi huwelela, xi ku: “HOSI, HOSI, Xikwembu lexi twelaka vanhu vusiwana ni ku va tsetselela, lexi hlwelaka ku kariha, lexi taleke tintswalo ni ku tshembeka,