Swivuriso 3:29 - BIBELE Mahungu Lamanene

²⁹ Munhu-kuloni loyi a akelaneke na wena hi ku ku tshemba, u nga tshuki u n'wi tshama xikungu.

Xitsonga (Bibele)

²⁹ U nga tshuki u anakanyela warikwenu leswo biha, Loko a tshamile hi ku rhula na wena.

Swivuriso 3:29 Referans Kwoze

Swivuriso 6:14

minkarhi hinkwayo, u le ku lukeni ka mano layo biha, a pfuxa madzolonga.

Swivuriso 6:18

ni munhu wa miehleketo yo homboloka, ni la tsutsumaka-tsutsumaka a endla leswo biha,

Pisalema 59:3

Languta we HOSI, va ndzi tumbelela va lava ku ndzi dlaya, vanhu lava va tihanyi va ndzi xiyaxiya va lwa na mina; mina a ndzi tlulanga milawu, a ndzi dyohanga nchumu,

Pisalema 55:20

Loko a ri munghana wa mina, ú tlakuse voko a ba vanakulobye, a onha ntwanano exikarhi ka yena na vona.

Pisalema 35:20

Leswi va swi vulaka a swi rhulisi mbilu, va vulavula ntsena makungu ya ku kanganyisa vanhu lavo rhula etikweni.

Swivuriso 14:22

Lava lukaka mano layo biha, va endla xihoxo; lava nga ni makungu lamanene, vanhu va va tsakela ni ku va tshemba.

Zakariya 8:17

Mi nga bohi makungu ya ku onhelana, naswona mi nga pfumeli ku hlambanya hi mavunwa, hikuva swilo leswi hinkwaswo ndza swi venga! Ndzi vula sweswo mina HOSI.”

Zakariya 7:10

mi nga xanisi tinoni ni lava pfumalaka vatswari, tsetselelani valuveri kumbe vapfumari, mi nga tshuki mi boha makungu ya ku onhelana.”