Swivuriso 3:28 - BIBELE Mahungu Lamanene

²⁸ U nga byeli munhu-kuloni, u ku: “Famba, u ta tlhela u vuya mundzuku, ndzi ta ku nyika swona”, kasi swilo swa kona, u na swona.

Xitsonga (Bibele)

²⁸ U nga vuri eka warikwenu u ku: “Famba u ta vuya. Mundzuku ndzi ta ku nyika!” Kasi lexi a xi pfumalaka xi kona eka wena.

Swivuriso 3:28 Referans Kwoze

Levhitika 19:13

“Mi nga tshuki mi xanisa munhukuloni kumbe ku n'wi tekela swilo swa yena; naswona loko mi thorile munhu, mi nga tshuki mi tshama ni muholo wa yena ku fikela siku leri tlhandlamaka.

2 Vakorinto 8:11

sweswi a mi ta fanela ku hetisa ntirho lowu mi wu sunguleke. A mi navela swinene ku pfuna, mi tiyimisele swona; hi mukhuva wolowo, sweswi hetisani ntirho wa kona hi ku ya hi leswi mi nga na swona.

Eklesiasta 9:10

Xin'wana ni xin'wana lexi u xi endlaka, tinyikete eka xona hi ntamu, hikuva exivandleni xa vafi lexi u yaka eka xona, a ku tirhiwi, a ku ehleketiwi, ku hava vutlhari ni vutivi.

1 Timotiya 6:18

Va byele ku endla leswo lulama, va tala rifuwo ra mintirho leyinene, va hanana, va tiva ni ku pambulela van'wana.

2 Vakorinto 9:3

Ndzi rhumela vamakwerhu, va ta vona ha voxe leswaku ku tidzunisa ka mina hikwalaho ka n'wina emhakeni leyi a hi mahungu-ndlela, i ntiyiso. Ndzi lava leswaku mi tshama mi tilunghisile, tanihi leswi ndzi nga vula leswaku mi lunghekile.

Eklesiasta 11:6

Haxa mbewu ka ha ra nimixo, ni loko ri rhengile u nga tshami hi mavoko, hikuva a wu tivi leyi nga ta mila. Ku nga mila leyi kumbe liya, kumbe yi mila hinkwayo.

Swivuriso 27:1

U nga tshuki u tidzunisa hi leswi nga ta humelela mundzuku, hikuva a wu tivi leswaku siku ra kona ri ta ta na yini.

Risimu ra Tinsimu 5:3

Mina ndzi ku: “Ndzi hluvurile, xana ndzi fanele ku tlhela ndzi ambala ke? Ni milenge, ndzi hlambile, xana ndzi fanele ku tlhela ndzi yi thyakisa ke?”