Swivuriso 3:20 - BIBELE Mahungu Lamanene

²⁰ vutivi bya xona byi handzurile misava, mati ya swidziva ma huma, byi endlile leswaku mapapa ma tshonisa mberha.

Xitsonga (Bibele)

²⁰ Hi vutivi bya yena swidziva swa handzuka, Ni mapapa ma pfutisa mberha.

Swivuriso 3:20 Referans Kwoze

Genesa 7:11

Elembeni leri Nowa a veke ni malembe ya 600 ha rona, hi siku ra vu-17 ra n'hweti ya vumbirhi, swidziva hinkwaswo swa mati swi khapa, ni tinyangwa ta mati ya le tilweni ti pfuleka.

Genesa 27:28

Xikwembu a xi ku wisele mberha yi huma ematilweni, xi ku nyika ni misava leyi noneke, ni mavele ni vhinyo leyo tala.

Genesa 1:9

Kutani Xikwembu xi ku: “Mati lama nga hansi ka tilo a ma hlengeletane endhawini yin'we, kutani ku humelela ndhawu leyi omeke.” Hiloko swi va tano.

Yuwele 2:23

N'wina vanhu va Siyoni, tsakani, yimbelelani mi dzunisa HOSI Xikwembu xa n'wina, hikuva xi mi niserile mpfula yo ringana, xi lo mi chululela yona kunene; ku fana ni khale, mpfula leyo sungula yi nile, hambi yi ri leyo tsema nguva na yona yi nile.

Yeremiya 14:22

Xana swikwembu swa vamatiko swi tshama swi nisa mpfula ke, kumbe matilo ma nga wisa mberha ha woxe xana? E-e! Munyiki wa swona hi wena ntsena, wena HOSI Xikwembu xa hina; hi tshemba wena ntsena, hikuva swilo leswi hinkwaswo swi endliwe hi wena.

Duteronoma 33:28

Hikokwalaho, Vaisraele va tshamile hi ku hlayiseka, vatukulu va Yakobo va tshamisekile, etikweni ra mavele ni vhinya, laha mberha ya le tilweni yi welaka kona.

Swivuriso 8:24

Mina ndzi velekiwile, xidziva lexikulu ni swihlovo leswi pfelelaka mati swi nga si tumbuluxiwa.