Swivuriso 3:14 - BIBELE Mahungu Lamanene

¹⁴ hikuva vutlhari byi hakela ku tlula silivhere, byi vuyerisa ku tlula nsuku.

Xitsonga (Bibele)

¹⁴ Hikuva bindzu ra byona ri tlula silivhere, Ni ku andza ka byona ku tlula nsuku;

Swivuriso 3:14 Referans Kwoze

Swivuriso 16:16

Ku kuma vutlhari, swi tlula ku kuma nsuku, ku hlawula ku twisisa, swi tlula ku hlawula silivhere.

Swivuriso 8:19

Mihandzu leyi kumekaka eka mina yi ni nkoka ku tlula nsuku lowo tenga, ntshovelo lowu ndzi wu nyikaka wu tlula silivhere leyo saseka.

Matewu 16:26

Hikokwalaho loko munhu a kota ku fuwa misava hinkwayo, kambe a lahlekeriwa hi vutomi bya yena, swi ta va swi n'wi pfune yini ke? Kumbe munhu ú ta humesa yini ku xava vutomi bya yena xana?

Pisalema 119:111

Switsundzuxo swa wena, ndza swi amukela minkarhi hinkwayo, hi swona swi ndzi tsakisaka.

Nhlavutelo 3:18

Loko swi ri tano, ndza ku tsundzuxa leswaku u xava eka mina nsuku lowu sasekisiweke hi ndzilo, u va xifumi; u ta xava ni tinguvu leto basa u ti ambala, u funengeta tingana ta vusweti bya wena leswaku byi nga vonaki; xava ni mafurha yo tota mahlo ya wena leswaku u ta kota ku vona.

Swivuriso 2:4

swi hlote ku fana ni silivhere, u swi lava ku fana ni xuma lexi fihliweke,

Pisalema 119:162

Ndzi tsakela switshembiso swa wena, ku fana ni munhu la kumaka rifuwo lero tala.

Pisalema 119:72

Eka mina, nawu lowu humaka enon'weni wa wena wu ni nkoka ku tlula mali yo tala ya nsuku ni silivhere.

Eklesiasta 7:11

Vutlhari byi ni risima ku fana ni ndzhaka, byi pfuna hinkwavo lava hanyaka emisaveni.