Swivuriso 29:8 - BIBELE Mahungu Lamanene

⁸ Vasandzi va pfurhisa ndzilo wa madzolonga emutini, kasi lavo tlhariha va rheleta vukari.

Xitsonga (Bibele)

⁸ Vasandzi va pfurheta ndzilo emutini, Kambe lavo tlhariha va timela ku kariha.

Swivuriso 29:8 Referans Kwoze

Swivuriso 11:11

Minkateko leyi humaka eka lavo lulama, yi kurisa muti, kambe marito ya lavo homboloka, ma wu hahlula.

Yeremiya 15:1

HOSI Xikwembu xi ndzi byerile xi ku: “Vanhu lava a ndzi nga va tsetseleli, hambiloko Muxe na Samiele va nga ta emahlweni ka mina va va khongelela. Va hlongole va suka emahlweni ka mina!

Swivuriso 16:14

Vukari bya hosi byi nga vanga rifu, munhu wo tlhariha ú ringeta ku yi rheleta mbilu.

Ezekiele 22:30

Ndzi lavile munhu exikarhi ka vona loyi a nga akaka khumbi, a yima exikarhi ka mina na vona a va sirhelela leswaku ndzi nga herisi tiko, kambe a ndzi n'wi kumanga.

Tinhlayo 25:11

“Ntukulu wa muprista Aroni, Finiyasi n'wana Eliyazara, ú ponisile Vaisraele evukarini bya mina, hikuva ú lavile leswaku ku gandzeriwa mina ntsena, hikokwalaho a ndzi va herisanga.

Tinhlayo 16:48

a yimile exikarhi ka lava hanyaka ni lava feke; kutani ntungu wu yima.

Swivuriso 29:9

Loko munhu wo tlhariha a tengisana ni xiphukuphuku, xona xo ba huwa xi tlhela xi hleka, mhaka yi nga heli.

Swivuriso 15:1

Ku hlamula hi ndlela yo titsongahata, swi rheleta vukari, kasi ku karihela vanhu, swa byi pfurhisa.