Swivuriso 29:6 - BIBELE Mahungu Lamanene

⁶ Munhu wo biha mbilu, ú wela entlhan'wini wa swidyoho swa yena, kasi lowo lulama, wo tiyimbelelela a tsakile.

Xitsonga (Bibele)

⁶ Exidyohweni xa munhu wo biha, Xirimbana xi kona, Kambe la lulameke u khana a tsaka.

Swivuriso 29:6 Referans Kwoze

2 Timotiya 2:26

Kutani va nga kota ku pona entlhan'wini wa Diyavulosi, loyi a va khomeke ku va endlisa ku rhandza ka yena.

Eklesiasta 9:12

Munhu a nga wu tivi nkarhi wa ku fa ka yena; tanihi leswi tinhlampfi ti phasiwaka hi tinkoka, ni tinyanyana ti welaka entlhan'wini, munhu na yena ú ta humeleriwa hi khombo enkarhini wa rona, ri n'wi wela hi xitshuketa.

Eksoda 15:1

Kutani Muxe ni Vaisraele va dzunisa HOSI Xikwembu hi risimu leri nge: “Ndzi ta yimbelela ndzi dzunisa HOSI, hikuva yi hlurile hi ndlela yo hlamarisa; hanci ni mugadi wa yona, yi swi hoxile elwandle.

Pisalema 118:15

Twanani huwa ya ntsako leyi humaka emintsongeni ya lavo lulama; va ri: “HOSI Xikwembu xi tirhile hi matimba ya xona,

Pisalema 97:11

Lavo lulama va tlhavela hi ku vonakala, lava nga ni timbilu to basa va kuma ku tsaka.

Pisalema 11:6

Lavo homboloka, yi va nisela mpfundze ni xivavula, mpandzwa wa vona i moya lowu hisaka.

1 Petro 1:8

Ni loko mi nga si n'wi vona, ma n'wi rhandza; hambi ni sweswi mi nga n'wi voniki, ma pfumela eka yena, kutani mi tsaka hi ku tsaka loku hlamarisaka, loku nga vulekiki,

Yakobo 1:2

Yi tekeni yi ri mhaka ya ku tsakisa swinene, vamakwerhu, loko mi hlangana ni miringo ya tinxaka-xaka,

Swivuriso 12:13

Loyi a biheke mbilu, ú phasiwa hi marito ya yena layo homboloka, kambe la lulameke wa pona ekhombyeni.

Swivuriso 5:22

Milandzu ya munhu wo biha yi dlayisa yena n'winyi, ú phasiwa hi ntlhamu wa swidyoho swakwe,

Pisalema 132:16

Vaprista va wona ndzi ta va nyika matimba yo lamulela van'wana, kutani vaaki va wona lava va ndzi tirhelaka va ta tsaka va ba nkulungwana.

1 Yohane 1:4

Kutani hi mi tsalela timhaka leti, leswaku ku tsaka ka hina ku va loku hetisekeke.

Vaavanyisi 20:41

Kavaloko vavanuna va Israele va hundzuluka, kutani va ka Benjamini va hlangana tinhloko, hikuva a va swi vona leswaku khombo ri va fikerile.

Swivuriso 22:5

Ndlela ya munhu wa mahanyelo yo gombonyoka, yi ni mitwa ni mintlhamu, loyi a hlayisaka vutomi bya yena, wa swi papalata.

Swivuriso 10:28

Ku tshemba ka lavo lulama ku hela hi ntsako, kambe leswi lavo homboloka va swi langutelaka, swi helela empfhukeni.