Swivuriso 29:4 - BIBELE Mahungu Lamanene

⁴ Hi ku landzelela milawu leyinene, hosi yi tiyisa tiko ra yona, kambe loko yi tsakela mali ntsena, ya ri lovisa.

Xitsonga (Bibele)

⁴ Hi ku lulama, hosi yi tiyisa tiko, Kambe la amukelaka tinyiko wa ri hlanhla.

Swivuriso 29:4 Referans Kwoze

Swivuriso 29:14

Hosi leyi avanyisaka xisiwana hi ku lulama, vuhosi bya yona byi ta tshama hilaha ku nga heriki.

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Daniele 11:20

“Endzhaku ka yena, ku ta vekiwa mufumi un'wana, kutani yena ú ta rhuma ndhuna ya yena ku ya phangha xuma xa yindlu leyi tlulaka tindlu hinkwato hi ku saseka etikweni ra yena; kambe endzhaku ka masiku ma nga ri mangani, matimba ya mufumi loyi ma ta tshoviwa, a dlayiwa ekaya ka yena, ku nga ri enyimpini.”

Swivuriso 20:8

Hosi leyi tshameke exiluvelweni xo avanyisa, yi kota ku hatla yi vona loyi a nga ni nandzu.

Esaya 49:8

HOSI Xikwembu xi vurisa sweswo, xi ri: “Loko nkarhi wa ku katekisa wu ta va wu fikile, ndzi ta ku hlamula, ndzi ta ku pfuna, loko siku ra ku ponisa ri ta va ri fikile. Ndzi ta ku hlayisa, ndzi ku tirhisa ku endla ntwanano ni vanhu hinkwavo; ndzi ta pfuxa tiko ra Vaisraele, ndzi va avela hi vuntshwa tindhawu ta vona leti a ti hundzukile nhova.

Esaya 9:7

Ku ndlandlamuka ka mfumo wa yena, ni ku rhula loku nga ta va kona etikweni, a swi nga vi na makumu; ú ta tshama exiluvelweni xa Davhida, a fuma tiko ra yena, a ri hlayisa ni ku ri lwela, a avanyisa timhaka hi ku lulama; ú ta sungula sweswi, a fuma hilaha ku nga heriki. Hinkwaswo leswi, HOSI Xikwembu xi tiyimiserile ku swi endla.

Swivuriso 16:12

Emahlweni ka tihosi, swa yila ku endla leswo biha, hikuva vuhosi byi tiyisiwa hi leswo lulama.

Swivuriso 8:15

Tihosi ti fuma hi matimba ya mina, vafumi va veka milawu leyinene hikwalaho ka mina.

Pisalema 99:4

Wena mufumi wa matimba, u rhandza nawu, kutani leswo lulama swi tiyisiwa hi wena. Hi wena u tiseke nawu ni ku lulama exikarhi ka va ka Yakobo.

Pisalema 89:14

Masungulo ya vuhosi bya wena i nawu ni ku lulama, rirhandzu ni ku tshembeka i malandza ya wena.

2 TIKRONIKA 9:8

A ku nkhensiwe HOSI Xikwembu xa wena lexi xi ku tsakeleke, xi ku veka exiluvelweni xa tihosi ta xona, leswaku u fuma hi vito ra xona. Leswi Xikwembu xa wena xi rhandzaka Vaisraele ni ku va tiyisa minkarhi hinkwayo, xi ku vekile hosi leswaku u va avanyisela timhaka hi ku lulama.”

1 TIHOSI 2:12

Kutani Solomoni a sala a teka vuhosi bya Davhida tata wa yena. Vuhosi bya yena byi ya byi tiyisiwa.

2 SAMIELE 8:15

Davhida a fuma tiko hinkwaro ra Israele. A a fambisa vanhu va yena hinkwavo hi moya wo lulama, a nga yi hi nghohe.

1 SAMIELE 13:13

Kavaloko Samiele a ku ka Sawulo: “Phuphula ndziwena! A wu hlayisanga leswi HOSI Xikwembu xa wena xi ku leriseke swona. Loko onge u swi hlayisile, HOSI Xikwembu a xi ta tiyisa vuhosi bya wena ehenhla ka Vaisraele hilaha ku nga heriki.

Ntirho 11:6

a xi ta ku komba swihundla swa vutlhari, hikuva ku twisisa ka xona ka hlamarisa; naswona tiva leswaku Xikwembu a xi ku banga hi ku ya hi vukulu bya swidyoho swa wena.

Swivuriso 14:34

Ku lulama swi kurisa tiko, kasi xidyoho xi khomisa vanhu tingana.

Swivuriso 16:10

Leswi hosi ya tiko yi vulaka swona, yi lo hlavuteriwa, loko yi tsema mhaka, a yi hoxi.