Swivuriso 29:24 - BIBELE Mahungu Lamanene

²⁴ Munghana wa khamba, ú venga vutomi bya yena n'winyi: Ku rhuketeriwa, wa swi twa, kambe a nga ha swi koti ku vula ntiyiso.

Xitsonga (Bibele)

²⁴ La pambulelanaka ni khamba u venga moya wa yena, U twa ku rhukana kambe a nga vuli nchumu.

Swivuriso 29:24 Referans Kwoze

Levhitika 5:1

“Loko munhu a vitaniwa ehubyeni ku ya nyika vumbhoni bya mahaka leyi a yi voneke loko yi humelela kumbe leyi a yi tivaka, kambe a yi fihla, ú ni xidyoho, kutani ú fanele ku rhwala nandzu wa yena.

Swivuriso 8:36

kambe loyi a nga ndzi kumiki, wo tivavisa, hinkwavo lava va ndzi vengaka, vo lava rifu.”

Esaya 1:23

Varhangeri va wena va tiarisa ngopfu, va twanana ni makhamba; hinkwavo va tsakela ku xaviwa, va rhandza ngopfu tinyiko; a va lweli lava pfumalaka vatswari, ni nkarhi wo sirhelela tinoni, a va na wona.

Swivuriso 15:32

Munhu loyi a bakanyaka switsundzuxo, wa tidlaya, kasi loyi a yingisaka loko a tshinyiwa, ú engetelela ku twisisa.

Marka 11:17

Kutani a va dyondzisa, a ku: “Xana a ku tsariwanga leswaku: “ ‘Yindlu ya mina yi ta vuriwa yindlu ya xikhongelo eka matiko hinkwawo’ xana? Kasi n'wina mi yi endlile ‘bako ra makhamba’. ”

Swivuriso 6:32

Wanuna loyi a oswaka, a nga ehleketi! Loko a etlela ni nsati wa un'wana, ú ticelela sirha;

Vaavanyisi 17:2

Kutani a ku ka mana wa yena: “Siku rin'wana ndzi ku twile u rhuketela munhu loyi a nga vaka a yivile mali ya wena ya tisilivhere ta 1 100; mali leyi, yi tekiwile hi mina, ndzi na yona.” Kutani mana wa yena a ku: “HOSI Xikwembu a xi ku katekise, n'wananga!”

Swivuriso 20:2

Loko hosi yi karihile, yi chavisa ku fana ni nghala leyi bongaka, loyi a yi hlundzukisaka, ú tivangela rifu.

1 SAMIELE 20:2

Yonatani a n'wi khongotela a ku: “Sweswo swi nga ka swi nga endleki! U nga ka u nga dlawi. Tiva leswaku tatana a nga ka a nga endli nchumu, hambi lexikulu kumbe lexitsongo, a nga ndzi tivisanga. Xana tatana a nga ndzi fihlela mhaka yo fana ni leyi xana? E-e, swi nge humeleli!”