Swivuriso 29:22 - BIBELE Mahungu Lamanene

²² Munhu wa ximbilwa-mbilwana, ú vanga madzolonga, ni munhu wo hatla ku kariha, ú pfuxa timholovo.

Xitsonga (Bibele)

²² Munhu wo kariha u hlohlotela timholovo, Ni loyi a holovaka u andzisa swidyoho swa yena.

Swivuriso 29:22 Referans Kwoze

Swivuriso 15:18

Munhu wa ximbilwa-mbilwana ú pfuxa madzolonga, kasi loyi a tiyiselaka swilo, ú miyeta ku holova.

Swivuriso 17:19

Loyi a rhandzaka ku vavisa van'wana, ú tsakela madzolonga, munhu wo vulavula ngopfu, ú tivangela khombo.

Swivuriso 26:21

Tihunyi ti pfurhisa makala, ni mavivi ma pfurhisa ndzilo; swi tano ni munhu wa tinyimpi, ú pfuxa madzolonga.

Swivuriso 10:12

Rivengo ri pfuxa madzolonga, kambe rirhandzu ri endla leswaku vanhu va rivalelana.

Yakobo 3:16

Hikuva laha mavondzo ni moya wo tirhandza swi nga kona, ku ni mpfilumpfilu kona, ni maendlele hinkwawo yo homboloka.

Swivuriso 22:24

U nga tshuki u endla xinakulobye ni munhu wa ximbilwa-mbilwana, hambi munhu wa tihanyi, u nga tolovelani na yena,

Swivuriso 14:17

Munhu wa ximbilwa-mbilwana ú endla swilo hi ndlela ya vuphukuphuku, kasi munhu wa miehleketo wa tiyisela.

Swivuriso 30:33

Phehlwa ri huma entswambeni lowu hlutiweke, nhompfu leyi biweke yi huma ngati, ku ntlhontlha vukari, swi pfuxa madzolonga.

Swivuriso 29:21

Loyi a bambatelaka hlonga ra yena ku sukela vuhlangini bya rona, eku heteleleni, a nga hlamali loko ri hundzuka mudyandzhaka.

Genesa 49:7

A va rhukaniwe, hikuva va leva, va pfurha, xifafa xa vona xi va endlisa nsele. Ndzi ta va hambanyisa emitini ya Yakobo, ndzi ta va hangalasa etikweni ra Israele.

Swivuriso 27:17

Nsimbhi yi lota nsimbhi, na yena munhu, ú tlharihisa hi van'wana.