Swivuriso 29:18 - BIBELE Mahungu Lamanene

¹⁸ Vanhu lava nga kumiki switsundzuxo swa HOSI Xikwembu, va ta tshika milawu; ku katekile lava hlayisaka nawu wa HOSI Xikwembu.

Xitsonga (Bibele)

¹⁸ Mahlori loko ku ri hava, a ku na nawu etikweni, Kambe siku ri hlayisaka milawu, ri katekile!

Swivuriso 29:18 Referans Kwoze

Luka 11:28

Yesu a ku: “Ngopfu ku katekile lava yingisaka Rito ra Xikwembu, va vuya va ri hlayisa!”

Yakobo 1:25

Kambe loyi a kambisisaka Nawu lowu hetisekeke wa ku ntshunxeka, a tiyisela eka wona a nga ri mutwi loyi a rivalaka, kambe a ri muendli la tirhaka, ú ta kateka eka leswi a swi endlaka.

Hosiya 4:6

Vanhu va mina va ta lovisiwa hi ku pfumala vutivi; leswi n'wina mi aleke vutivi, na mina ndzi ta mi alela ku va vaprista va mina. Leswi mi rivaleke nawu wa mina Xikwembu xa n'wina, na mina ndzi ta rivala vana va n'wina.

Yohane 13:17

Loko mi tiva swilo leswi, mi tlhela mi swi endla, mi ta va mi katekile.

Swivuriso 19:16

Loyi a hlayisaka nawu, ú hlayisa vutomi bya yena, loyi a solaka switsundzuxo, ú tivangela rifu.

Pisalema 119:2

Ku katekile lava amukelaka switsundzuxo swa HOSI, va yingisa yona hi mbilu hinkwayo,

1 SAMIELE 3:1

Mufana Samiele a a tirhela HOSI Xikwembu a ri hansi ka Heli. Eminkarhini yoleyo, rito ra HOSI a ri kala ngopfu; swivono a swi nga tali ku va kona.

Matewu 9:36

Loko a vona mintshungu ya vanhu, a va twela vusiwana, hikuva a va karhele, va tshamile ehansi, va fana ni tinyimpfu leti nga riki na murisi.

Eksoda 32:25

Kutani Muxe a swi vona leswaku vanhu va sungurile ku hambuka endleleni, hikuva Aroni a a nga va sivelanga, kutani va tihundzula swihlekiso exikarhi ka valala va vona.

Pisalema 74:9

A wa ha vonaki exikarhi ka hina, ni vaprofeta va nyamalarile, kutani a ku na munhu exikarhi ka hina la tivaka leswaku swi ta hela rini.

Pisalema 19:11

Hi swona leswi swi ndzi tsundzuxaka, mina nandza wa wena; ku hlayisa swona swa ndzi vuyerisa swinene.

Nhlavutelo 22:14

Ku katekile lava hlantswaka tinguvu ta vona, leswaku va ta pfumeleriwa ku dya murhi wa vutomi, ni ku nghena emutini hi tinyangwa ta wona.

2 TIKRONIKA 28:19

Nandzu a wu ri wa Akazi, hosi ya Yuda, hikuva a a susumetile vanhu va yena ku tshika HOSI Xikwembu, na yena a xi fularhela, kutani xona xi yisa va ka Yuda ehansi xi va tsongahata.

Pisalema 106:3

Ku katekile lava hlayisaka nawu wa yona, lava endlaka leswi lulameke minkarhi hinkwayo.

Swivuriso 8:32

“N'wina vana, ndzi yingiseni: Ku katekile lava hlayisaka switsundzuxo swa mina.

Swivuriso 29:19

Ku tshinya hlonga hi marito ntsena, a swi pfuni nchumu, ri nga ma twa, kambe a ri nga ma yisi enhlokweni.

Pisalema 119:1

Ku katekile vanhu lava mahanyelo ya vona ma tengeke, lava landzaka nawu wa HOSI.