Swivuriso 29:16 - BIBELE Mahungu Lamanene

¹⁶ Vubihi bya engeteleka etikweni loko lowo homboloka a vekiwa ku va hosi, kambe lavo lulama va ta hlalela ku wa ka yena.

Xitsonga (Bibele)

¹⁶ Siku lavo biha va talaka, na kona ku homboloka ka tala; Kambe lavo lulama va ta hlalela ku wa ka vona.

Swivuriso 29:16 Referans Kwoze

Pisalema 92:11

Valala va mina, ndzi va langutela hansi; makungu ya lavo biha lava va ndzi hlaselaka, a ndzi ma chavi ni loko ndzi nga ma twa hi tindleve ta mina.

Pisalema 91:8

U to swi hlalela kunene, u vona hilaha Xikwembu xi baka hakona lavo homboloka.

Pisalema 58:10

Munhu wo lulama ú ta tsaka loko a vona ku biwa ka lavo homboloka, ú ta hlamba milenge engatini ya vona.

Pisalema 37:36

Kuteloko ndzi tlhela ndzi hundza ha kona, a ndza ha n'wi kumanga; ndzi lavile hinkwako, kambe a a nyamalarile.

Pisalema 37:34

Tshemba HOSI Xikwembu, u famba endleleni ya xona, xi ta ku tlakusa xi ku nyika tiko, kutani u ta hlalela ku herisiwa ka lavo homboloka.

Swivuriso 29:2

Loko lowo lulama a vekiwa ku va hosi, vanhu va tsaka, kasi loko ku vekiwa lowo homboloka, va gungula.

Nhlavutelo 18:20

Tsaka hi mhaka ya wona, wena tilo; na n'wina vahlawuriwa va Xikwembu, ni vaapostola, ni vaprofeta, tsakani, hikuva Xikwembu xi wu avanyisile, xi mi rihisetela.”

Nhlavutelo 15:4

I mani la nga ta ka a nga ku chavi, we Hosi, i mani la nga ta ala ku twarisa vito ra wena ke? Hi wena ntsena loyi a kwetsimeke, kutani vamatiko hinkwavo va ta ta va ta nkhinsama emahlweni ka wena, hikuva mintirho ya wena leyo lulama yi le rivaleni!”

Pisalema 112:8

Mbilu ya yena a yi kanakani, a yi chavi nchumu, a kondza a vona ku hluriwa ka valala va yena.

Pisalema 92:9

Valala va wena hi lava we HOSI, va ta hela, hinkwavo lava endlaka leswo biha va ta hangalasiwa.

Swivuriso 21:12

Munhu loyi a lulameke, ú xiyaxiya muti wa lavo homboloka: Lavo homboloka va wiseriwa ehansi va nyamalala.