Swivuriso 28:5 - BIBELE Mahungu Lamanene

⁵ Vanhu vo biha timbilu, a va tivi leswi lulameke, kambe lava gandzelaka HOSI Xikwembu, va swi tiva swinene.

Xitsonga (Bibele)

⁵ Lavo biha a va twisisi swo lulama, Kambe lava lavaka Yehovha, va twisisa timhaka hinkwato.

Swivuriso 28:5 Referans Kwoze

1 Yohane 2:27

Kambe Moya lowu Kriste a nga mi chela wona, wu tshame eka n'wina, kutani a mi faneli ku dyondzisiwa hi munhu; hikuva Moya wa yena lowu mi nga cheriwa wona, wa mi dyondzisa ehenhla ka hinkwaswo, naswona i Moya wa ntiyiso, a wu hembi; hikokwalaho, tshamani eka Kriste, hilaha Moya wu mi dyondzisaka hakona.

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

1 Yohane 2:20

Kambe n'wina mi cheriwile Moya hi loyi a kwetsimaka, kutani hinkwenu mi ni vutivi.

Pisalema 92:6

Mhaka leyi, mintlunya a yi nga yi tivi, ni swiphunta a swi nga yi twisisi.

Yohane 7:17

Loko munhu a navela ku endla ku rhandza ka Xikwembu, ú ta tiva loko dyondzo leyi yi huma eka Xikwembu, kumbe loko ndzi tivulavulela swa mina ntsena?

Swivuriso 24:7

Xiphukuphuku a xi fikeli laha ku nga ni vutlhari, ehubyeni xi tsandzeka ni ku pfula nomo.

Swivuriso 15:24

Ndlela leyi munhu wo tlhariha a yi khomeke, yi tlhandlukela evutomini, leswaku a ta ka a nga rheleli exivandleni xa vafi.

Pisalema 119:100

Ndzi tlharihile ku tlula ni vanhu lavakulu, hikuva ndzi hlayisa swiletelo swa wena.

Pisalema 25:14

HOSI Xikwembu i nakulobye wa lava va xi chavaka, xi va tivisa leswi ntwanano wa xona wu lavaka swona.

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Swivuriso 2:9

Loko u yingisa, u ta twisisa leswi lulameke, u tiva milawu leyinene ni ntiyiso, u tiva ni hinkwaswo leswi lavekaka,

Esaya 6:9

Kutani a ku: “Famba u ya byela vanhu lava, u ku: “ ‘Ku twa mi ta twa, kambe a mi nga twisisi; ku vona mi ta vona, kambe a mi nga vonisisi!’ ”

Esaya 44:18

Vanhu vo tano a va tivi nchumu, hambi ku twisisa a va twisisi, hikuva va pfalekile mahlo ni miehleketo, kutani a va ha voni kumbe ku twisisa nchumu.

Pisalema 119:98

Swileriso swa wena swi ndzi nyika vutlhari lebyi tlulaka bya valala va mina, kutani ndza swi hlayisa minkarhi hinkwayo.

Esaya 1:3

Homu yi tiva n'wini wa yona, ni mbhongolo yi tiva lomu mufuwi wa yona a yi phamelaka kona; kasi Vaisraele, vona vanhu va mina, a va ndzi tivi, no twisisa a va twisisi.”

Amosi 3:10

HOSI yi vula sweswo yi ri: “Vanhu va Samariya a va swi tivi ku endla leswo lulama, va tata tindlu ta vona ta vuhosi hi swilo leswi va swi kumeke hi tihanyi ni vuxisi.”