Swivuriso 28:27 - BIBELE Mahungu Lamanene

²⁷ La nyikaka swisiwana, a nge pfumali swa le mandleni, kambe la alaka ku swi pfuna, vanhu va ta n'wi rhuketela ngopfu.

Xitsonga (Bibele)

²⁷ La pfunaka vapfumari a nga ka a nga pfumali, Loko a ri loyi a tipfalaka mahlo, u ta talela hi ku rhukaniwa.

Swivuriso 28:27 Referans Kwoze

Swivuriso 19:17

Ku nyika xisiwana, i ku lomba HOSI Xikwembu, kutani HOSI Xikwembu xi ta ku tlherisela hinkwaswo.

Swivuriso 11:24

Munhu loyi a hananaka, ú tala ku fuma, kasi munhu wo tsonana ngopfu, ú tala ku heleriwa hi swa yena.

Duteronoma 15:7

“Loko mi ri etikweni leri HOSI Xikwembu xa n'wina xi mi nyikaka rona, kutani eka wun'wana wa miti ya n'wina ku va ni makwenu loyi a nga xisiwana, mi nga tshuki mi tinonon'hwisa mi n'wi tsona swilo,

Duteronoma 15:10

Mi ta n'wi nyika mi ntshunxekile, ku nga ri hi timbilu leti vilelaka, kutani HOSI Xikwembu xa n'wina xi ta mi katekisa emintirhweni ya n'wina hinkwayo, ni ka hinkwaswo leswi mi swi endlaka.

Swivuriso 22:9

Munhu loyi a hananaka, ú ta katekisiwa, hikuva leswi a nga na swona, ú dya ni swisiwana.

Swivuriso 11:26

Loyi a alaka ku xavisa mavele ya yena, ú ta rhuketeriwa hi vanhu, kasi loyi a va xaviselaka, va ta n'wi navelela minkateko.

Vaheveru 13:16

Mi nga rivali ku endla leswinene ni ku pambulela van'wana leswi mi nga na swona, hikuva magandzelo lawa hi wona lama tsakisaka Xikwembu.

Esaya 1:15

Loko mi tshambuluta mavoko ya n'wina, ndzi tisiva mahlo ndzi languta etlhelo; a ndzi nga mi yingisi, hambi mo endla swikhongelo leswo tala, hikuva mavoko ya n'wina ma tele ngati.

Swivuriso 24:24

Loyi a byelaka munhu wo homboloka, a ku: “A wu na nandzu”, u ta tivangela ku rhuketeriwa, vanhu lavo tala va ta n'wi venga.

Swivuriso 28:28

Loko lowo homboloka a vekiwa ku va hosi, vanhu va suka va ya tumbela, kambe loko a lova, lavo lulama va tlhela va engeteleleka.

Swivuriso 11:25

Munhu wo hanana ú ta dya a xurha, ni loyi a nyikaka van'wana mati, na yena ú ta nyikiwa.