Swivuriso 28:21 - BIBELE Mahungu Lamanene

²¹ Ku ya hi nghohe, kumbe ku hambukisa timhaka, hi mhaka ya ku xaviwa hi swakudyanyana, a swi sasekanga.

Xitsonga (Bibele)

²¹ Ku ya hi nghohe ya vanhu a swi sasekanga. Hikwalaho ka xipandzwa xa vuswa munhu a nga tlula milawu.

Swivuriso 28:21 Referans Kwoze

Ezekiele 13:19

Mi ndzi dyoherile exikarhi ka vanhu va mina, mi endlela ku kuma mavelenyana ni mahlanhla ya xinkwa! Mi dlayile vanhu lava a va nga fanelanga ku dlayiwa, kasi lava a va fanele ku dlayiwa mi va tshikile va hanya. Leswi mi swi endlile hi ku hembela vanhu va mina, lava va mi yingiseke.

Swivuriso 24:23

Swin'wana switsundzuxo swa tintlhari, hi leswi: Ku ya hi nghohe eku avanyiseni ka timhaka, a swi sasekanga.

Swivuriso 18:5

Ku ntshunxa munhu wo homboloka ehubyeni, ni ku dyisa munhu wo lulama hi nandzu, swi bihile.

Eksoda 23:8

Mi nga tshuki mi pfumela ku xaviwa, hikuva swi dlaya mahlo ya lava vekiweke ku avanyisa timhaka, kutani va gombonyokisa ta vanhu lava vulavulaka ntiyiso.

Eksoda 23:2

Mi nga tshuki mi endla leswo biha hi ku landzelela vunyingi; naswona, loko mi nyika vumbhoni ehubyeni, mi nga tshuki mi yima ni lavo tala, loko va tshika ku endla leswi lulameke.

2 Petro 2:3

Kutani, hikwalaho ka makwanga ya vona, va ta mi dyelela hi marito ya vona ya vuxisi. Ku sukela khale, ku avanyisiwa ka vona a ku yimanga, ni ku lova ka vona a ku etlelanga.

Varhoma 16:18

hikuva lavo tano a va tirheli Hosi ya hina Kriste, kambe va tirhela ku navela ka vona ntsena; hi ku nandzihisa marito ni ku sasekisa mavulavulele, va hambukisa mianakanyo ya lava nga tiviki nchumu.

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Mikiya 3:5

Ku ni vaprofeta lava lahlekisaka vanhu va ka hina: Loko va nyikiwa swakudya va dya, va ri hinkwaswo swi lulamile, kambe loko va nga nyikiwi xo hoxa enon'weni, va pfuxa nyimpi. Eka vaprofeta lava, HOSI Xikwembu xi vurisa sweswo xi ri:

Hosiya 4:18

I ntlawa wa swidakwa leswi tinyiketeke ku endla vunghwavava, varhangeri va vona va tsakela ngopfu swa manyala.

Duteronoma 1:17

Loko mi tsema timhaka, mi nga tshuki mi ya hi nghohe; va xiyimo xa le hansi ni xa le henhla, va avanyiseni ku fana; mi nga chavisiwi hi munhu, hikuva i Xikwembu lexi tsemaka mhaka. Loko timhaka ta kona ti mi tsandza, ti tiseni eka mina, ndzi ta ti tenga.’