Swivuriso 28:2 - BIBELE Mahungu Lamanene

² Loko ku tshuka ku humelela mpfilumpfilu etikweni, lava lavaka vurhangeri, va tele, kambe loko ku ri ni un'we wo tlhariha la nga ni miehleketo, tiko ri ta kuma ku rhula nkarhi wo leha.

Xitsonga (Bibele)

² Loko tiko ri ngheniwile hi ku onhaka, tihosi ti tele, Kambe ku fuma ku tiyisiwa hi wanuna wa ku twisisa ni wa vutivi.

Swivuriso 28:2 Referans Kwoze

1 TIHOSI 15:28

Lembe leri Baaxa a dlayeke Nadabu ha rona a ri ri ra vunharhu ra ku fuma ka Asa hosi ya tiko ra Yuda, kutani Baaxa a sala a fuma.

Hosiya 13:11

Ndzi mi nyikile tihosi hi ku hlundzuka, kutani ndzi tlhela ndzi ti susa, loko mi ndzi karihisile.

Daniele 4:27

Kutani we hosi, amukela switsundzuxo swa mina: Tshika swidyoho swa wena, u endla leswo lulama; herisa ni ku homboloka ka wena, u komba tintswalo eka lava xanisiwaka; kumbexana, u nga engeteleriwa malembe ya ku tsaka.”

Esaya 58:12

Mi ta pfuxa miti leyi tshameke nkarhi wo leha yi ri marhumbi, mi yi aka hi vuntshwa laha a yi ri kona eminkarhini ya khale; mi ta vuriwa ‘lava pfuxeke makhumbi, va aka hi vuntshwa tindlu to tshama ka tona’.”

Eklesiasta 9:15

Kambe emutini wa kona, a ku ri ni wanuna wo tlhariha wa xisiwana. Hiloko a ponisa muti lowu hi vutlhari bya yena, kambe a ka ha vanga na munhu loyi a nga tsundzuka wanuna loyi wa xisiwana.

1 TIHOSI 15:25

Nadabu n'wana Yerobuwamu a sungula ku fuma tiko ra Israele hi lembe ra vumbirhi ra ku fuma ka Asa hosi ya tiko ra Yuda, a fuma tiko ra Israele malembe mambirhi.

Swivuriso 11:11

Minkateko leyi humaka eka lavo lulama, yi kurisa muti, kambe marito ya lavo homboloka, ma wu hahlula.