Swivuriso 28:1 - BIBELE Mahungu Lamanene

¹ Lowo homboloka, ú tsutsuma hambiloko a nga hlongorisiwi hi munhu, kasi lavo lulama, a va chavi nchumu, va fana ni nghala.

Xitsonga (Bibele)

¹ Lowo biha u tsutsuma hambi a nga landziwi, Kambe lowo lulama u tsakile kukota xinghalana.

Swivuriso 28:1 Referans Kwoze

Duteronoma 28:7

“HOSI Xikwembu xi ta mi hlulela valala lava va nga ta mi pfukela: Va ta mi tela va xaxamerile, kambe va ta tlhela hi ku tsutsuma, va hangalaka va ku bàmfée!

Pisalema 53:5

Hi lavaya, va sungula ku rhurhumela hi ku chava, kasi a ku na nchumu xo chavisa. Xikwembu xi ta hangalasa lava taka va ta ku hlasela; kutani wena u ta va khomisa tingana, hikuva Xikwembu xi ta va xi va fularherile.

Pisalema 112:7

Makungu layo biha a ma n'wi tshukisi, ú tiyile hikuva ú tshemba HOSI Xikwembu.

1 Vatesalonika 2:2

Hambiloko hi rhange hi xanisiwa ni ku rhuketeriwa le Filipiya, hilaha mi swi tivaka hakona, Xikwembu xa hina xi hi nyikile matimba yo mi tivisa Evhangeli leyi humaka eka xona, hambileswi lavo tala a va ri karhi va lwa na yona.

Timhaka 4:13

Loko va vona ku tiya ka Petro na Yohane, va hlamala, hikuva a va va tiva va ri vanhu ntsena, lava ni ku dyondza va nga dyondzangiki; kambe va swi vonile leswaku hileswi a va ri vanakulobye va khale va Yesu.

Timhaka 14:3

Hambiswiritano, vaapostola va xwa kona masiku layo tala, va vulavula va nga chavi nchumu, va titshembele Hosi; yona a yi tiyisa mahungu ya tintswalo ta yona hi ku endla mahlori ni swihlamariso hi mavoko ya vona.

Yeremiya 20:4

HOSI Xikwembu xi ri: ‘Ndzi ta ku endla Muchavisi, u tichavisa wena n'wini, u chavisa ni vanghana va wena hinkwavo. Valala va ta va dlaya hi matlhari emahlweni ka wena. Vanhu hinkwavo va tiko ra Yuda, ndzi ta va nyiketa emavokweni ya hosi ya Babilona, kutani yona yi ta va yisa evukhumbini eBabilona, yi va herisa hi matlhari.

Levhitika 26:36

Lava va nga ta va va ponile exikarhi ka n'wina, ndzi ta endla leswaku va tshama va ri ku chaveni kwale matikweni ya valala va n'wina. Loko va twa xo chakala, va ta suka va tsutsuma wonge vo va eku hlongorisiweni, va wa va nga hlongorisiwi hi munhu.

Duteronoma 28:25

“HOSI Xikwembu xi ta mi nyiketa emavokweni ya valala va n'wina va mi hlula. Mi ta va yela mi xaxamerile, kambe mi ta tlhela hi ku tsutsuma mi hangalaka mi ku bàmfée! Khombo leri ri nga ta mi wela ri ta chavisa vanhu va matiko hinkwawo emisaveni.

2 TIHOSI 7:15

Va landza mintila ya Vasiriya va ya fika enambyeni wa Yordani, kutani va hlamala ku vona ndlela hinkwayo yi lo n'wálálálá, hi swiambalo ni swigotso leswi Vasiriya va swi cukumeteke loko va tsutsuma. Kutani varhumiwa va tlhela va ya vikela hosi.

Esaya 7:2

Kuteloko hosi Akazi ni va yindlu ya ka vona va twa leswaku Vasiriya ni va ka Efrayimi va twananile ku yima swin'we enyimpini, va rhurhumela ku fana ni mirhi leyi ninginisiwaka hi moya.

Eksoda 11:8

Muxe a engeta a ku: “Hikwalaho ka leswi, malandza ya wena hinkwawo, ma ta rhelela ma ta ka mina, ma ndzi nkhinsamela, ma ku: ‘Suka u famba, wena ni vanhu hinkwavo lava u va rhangelaka emahlweni.’ Kutani hi kona ndzi nga ta famba.” Kwalaho Muxe a huma eka Faro a hlundzukile swinene.

Levhitika 26:17

Ndzi ta mi tshika, kutani valala va n'wina va ta mi hlula; mi ta fumiwa hi vanhu lava va nga mi tsakeriki, mi ta tshama mi ri eku tsutsumeni mi nga hlongorisiwi hi munhu.

Nehemiya 6:11

Kutani ndzi ku: “Xana u vula leswaku munhu wo fana na mina a nga tsutsuma a baleka xana? U ehleketa leswaku mina ndzi nga ya tumbela eTempeleni xana? Sweswo mina ndzi nga ka ndzi nga swi endli!”

Swivuriso 27:27

ntswamba wa timbuti, mi ta dya mi siya, wena ni ndyangu wa wena, ku tlhela ku va ni wo hlayisa malandza ya wena ya xisati.

Esaya 30:17

Vavanuna va ka n'wina va 1 000 va ta tsutsuma hi ku chava munhu un'we ntsena, vanhu va ntlhanu exikarhi ka valala va n'wina, va ta mi hlongorisa, mi ta tsutsuma mi siya ntsena mhandze ya mujeko entshaveni, ni mfungho exintshabyanini.

1 TIHOSI 1:49

Hiloko varhambiwa hinkwavo va Adoniya va khomiwa hi ku chava lokukulu, va suka va hangalaka, un'wana ni un'wana a khoma ndlela ya yena, a tifambela.

Ntirho 15:21

ú ta twa mpfumawulo wo chavisa; loko a ha tshamisekile, vahlaseri va ta n'wi juma.

Pisalema 53:6

Xana i mani munhu wo huma eSiyoni la nga ta ponisa Israele xana? Siku Xikwembu xi nga ta tlhela xi katekisa vanhu va xona, va ka Yakobo va ta ba minkulungwana, Vaisraele va ta tsaka ngopfu.

Swivuriso 10:9

Ku hanya eku tshembekeni i ku hanya eku hlayisekeni, kambe loyi tindlela ta yena ti gombonyokeke, ú ta kumiwa.