Swivuriso 27:3 - BIBELE Mahungu Lamanene

³ Maribye ni sava, a hi ku tika ka swona, kambe ku pfukeriwa hi xiphukuphuku, swi tika ku tlula sweswo.

Xitsonga (Bibele)

³ Ribye ra tika, na rona sava, Kambe ku kariha ka xihunguki ku tlula swilo leswimbirhi.

Swivuriso 27:3 Referans Kwoze

Daniele 3:19

Kutani Nebukadnetsara a hlundzuka ku tlula mpimo; loko a languta Xadraka, na Mexaka, na Abedi-Nego, nghohe ya yena yi hundzuka; kutani a lerisa malandza ku hlanganyeta ndzilo, ku hisa ka wona ku tlula ka 7 leswi a wu hamba wu hisisa xiswona.

1 Yohane 3:12

Hi nga fani na Kayini, loyi a a twanana na Lowo biha, kutani ú dlele makwavo. Xana ú n'wi dlele hikwalaho ka yini? Hikuva mintirho ya yena a yi ri leyo biha, kasi ya makwavo a yi ri leyo lulama.

Swivuriso 17:12

Ku hlangana ni ntswele ya xinkankanka leyi tekeriweke vana, swa antswa, ku ri ni ku hlangana ni xiphunta ni swa vuphukuphuku bya xona.

Genesa 49:7

A va rhukaniwe, hikuva va leva, va pfurha, xifafa xa vona xi va endlisa nsele. Ndzi ta va hambanyisa emitini ya Yakobo, ndzi ta va hangalasa etikweni ra Israele.

Ntirho 5:2

Xiphunta xi fa hi mbitsi, mavondzo ma dlaya munhu wo kala mehleketo.

Swivuriso 12:16

Xiphukuphuku xi hatla xi komba ku khunguvanyeka ka xona, kambe munhu loyi a ehleketaka, wa swi kota ku tikhoma, loko a rhuketeriwa.

Swivuriso 27:2

A ku ve vanhu van'wana va ku dzunisaka, u nga tidzunisi hi wexe, a ku vule van'wana, ku nga ri wena n'winyi.

Swivuriso 27:4

Ku kariheriwa ni ku hlundzukeriwa ngopfu, swa vava; kambe ku vondzokiwa, swi nga tiyela hi mani xana?

Tinhlayo 22:27

Kuteloko mbhongolo yi vona ntsumi ya HOSI, yo etlela ehansi. Kutani Balaama a kariha swinene, a bukutela mbhongolo hi nhonga.