Swivuriso 27:23 - BIBELE Mahungu Lamanene

²³ Tikarhatele ku tiva mintlhambi ya swifuwo swa wena, leswitsongo ni leswikulu, u swi hlayisa swinene,

Xitsonga (Bibele)

²³ Tivisisa swinene tinyimpfu ta wena ha yin'we, U hlayisa swinene mitlhambi ya wena;

Swivuriso 27:23 Referans Kwoze

1 Petro 5:2

Risani ntlhambi wa Xikwembu lowu nge hansi ka n'wina, mi wu hlayisa ku nga ri hi ku sindzisiwa, kambe ku ri hi ku swi rhandza, hilaha Xikwembu xi swi lavaka hakona, naswona ku nga ri hi ku langutela bindzu leri khomisaka tingana, kambe hi ku hiseka.

2 TIKRONIKA 26:10

Uziya a aka swihondzo ni le handle ka Yerusalema, a kovotla emaribyeni makhele layo tala yo hlayisela mati, hikuva a a ri ni swifuwo leswo tala etimbaleni ni le minkoveni. Naswona a a ri ni vanhu lava hlayisaka masimu ya yena ya vhinya, va n'wi byalela ni mavele emagangeni ni le mitangeni, hikuva a a tsakela ngopfu swa vurimi.

Genesa 33:13

Kambe Yakobo a ku ka Esawu: “We n'wini wanga, wa swi tiva leswaku vana a va si tiyela, naswona ndzi fanele ku hlenga swifuwo leswikulu ni leswitsongo leswa ha mamisaka, hikuva loko swi nga byisiwa siku hinkwaro, swi famba mpfhuka wo leha, swi nga fa hinkwaswo.

Swivuriso 24:32

Kutani ndzi languta, ndzi xiyaxiya. Eku languteni ka mina, ndzi kume dyondzo:

Yohane 10:3

Mulanguteri wa nyangwa wa n'wi pfulela, kutani tinyimpfu ti twa rito ra yena; ú vitana tinyimpfu leti nga ta yena hi mavito ya tona, a ti humesela handle.

Ezekiele 34:31

“Hakunene hi n'wina Vaisraele mi nga ntlhambi wa mina ni vanhu lava ndzi va risaka, kutani mina ndzi Xikwembu xa n'wina. Ndzi vula sweswo mina HOSI N'wini wa hinkwaswo.”

Duteronoma 32:46

a ku ka vona: “Hinkwaswo leswi ndzi mi tsundzuxaka swona, mi fanele ku swi hlayisa etimbilwini ta n'wina, mi laya vana va n'wina ha swona, leswaku na vona va ta tikarhatela ku hanya hi swilo hinkwaswo leswi tsariweke enawini lowu.

1 SAMIELE 17:28

Loko Eliyabu a twa ndzisana ya yena Davhida a ri karhi a vutisa vanhu lava, a n'wi karihela swinene, a ku: “U tele yini haleno xana? Ntlhambinyana lowa tinyimpfu wu sele na mani le nhoveni xana? Ndza ku tiva, u na xikulela wena, ni makungu ya wena layo biha ndza ma tiva: Wena u lo tela ku ta vona nyimpi haleno ntsena!”

Eksoda 7:23

Kutani Faro a tlhelela entsindza; leswi humeleleke a swi nga n'wi khumbanga nikutsongo.

Swivuriso 24:27

Rhanga u dyondza ku titirhela, u lulamisa ni masimu ya wena, hi kona u nga ta aka muti.

Yeremiya 31:10

HOSI Xikwembu xi ri: “N'wina vamatiko, yingisani rito ra mina, huwelelani mahungu ya kona ematikweni ya le kule, mi ku: ‘Loyi a hangalaseke Vaisraele, ú ta tlhela a va hlengeleta; ú ta va hlayisa ku fana ni murisi loyi a hlayisaka ntlhambi wa yena.’

Ezekiele 34:12

Swi nga endleka leswaku tinyimpfu tin'wana ti hambana ni ntlhambi ti ya lahleka; loko swi ri tano, munhu loyi a nga ku riseni esikwini rero, ú ta famba a ti lava. Hi mukhuva wolowo na mina ndzi ta famba ndzi lava tinyimpfu ta mina, ndzi ti humesa ematikweni hinkwawo lawa ti nga hangalasiwa ti ya ka wona, siku ti nga wela hi khombo ni xinyami.