Swivuriso 27:1 - BIBELE Mahungu Lamanene

¹ U nga tshuki u tidzunisa hi leswi nga ta humelela mundzuku, hikuva a wu tivi leswaku siku ra kona ri ta ta na yini.

Xitsonga (Bibele)

¹ U nga tidzunisi hi siku ra mundzuku, Hikuva a ku tivi leswi nga ta humelela hi siku rero.

Swivuriso 27:1 Referans Kwoze

2 Vakorinto 6:2

Hikuva Xikwembu xi te: “Ndzi ku yingisile enkarhini wa mina wa ku tsetselela, esikwini ra mina ra ku ponisa, ndzi ku lamulerile.” Vonani, nkarhi lowunene wa ku tsetseleriwa wu fikile, namuntlha hi rona siku ra ku ponisiwa.

1 SAMIELE 28:19

Tlhandlakambirhi, HOSI Xikwembu xi ta nyiketa Vaisraele swin'we na wena emavokweni ya Vafilista, kutani mundzuku kunene, wena ni vana va wena mi ta va na mina. Hambi ma ri mavuthu ya Israele, HOSI Xikwembu xi ta ma nyiketa emavokweni ya Vafilista.”

Esaya 56:12

Va byelana va ku: “A hi yeni hi ya lava vhinyo, a hi nweni byalwa, hi xurha! Siku ra mundzuku ri ta fana ni lera namuntlha ri va lerinene ngopfu.”

Pisalema 95:7

hikuva hi xona xi nga Xikwembu xa hina, hi vanhu lava xi va risaka ni ntlhambi lowu xi wu fambisaka. Namuntlha hi wo nkarhi! Yingisani leswi xi mi byelaka swona! Xi ri:

1 TIHOSI 20:11

Akabu hosi ya Vaisraele a hlamula a ku: “N'wi byeleni: Tinhenha a ti rhangi hi ku giya, loko ta ha hloma nyimpi, kambe ti giya loko ti hlurile.”

Estere 5:12

Hamani a ya emahlweni a ku: “Nkosikazi Estere a a lunghisile nkhuvo, a rhamba hosi na mina ntsena, a nga rhambanga un'wana. Na mundzuku ka ha rhambiwile mina na hosi.

Eklesiasta 8:7

a nge tivi leswi nga ta humelela mundzuku; naswona, i mani la nga n'wi tivisaka matele ya swona xana?