Swivuriso 26:3 - BIBELE Mahungu Lamanene

³ Ximoko i xa hanci, tomu rona i ra mbhongolo, kasi nhlana wa xiphunta wu fanela hi nkhavi.

Xitsonga (Bibele)

³ Nkharisa wu fanele hanci, ni tomu mbhongolo, Ni nhonga nhlana wa xihunguki.

Swivuriso 26:3 Referans Kwoze

Swivuriso 10:13

Enon'wini wa la twisisaka, ku huma marito ya vutlhari, kambe la nga ehleketiki swinene, wo fanela hi nkhavi.

1 Vakorinto 4:21

Xana mi tsakela yini? Xana ndzi fanele ku ta eka n'wina hi nkhavi, kumbe hi rirhandzu ni moya wa musa xana?

Pisalema 32:9

U nga tshuki u fana ni hanci kumbe mbhongolo, swi nga swifuwo leswi pfumalaka ku twisisa: A swi yingisi loko swi nga nghenisiwanga matomu emilon'wini. Loko wena u yingisa, a wu nga weli hi khombo.”

2 Vakorinto 13:2

Loko ndzi mi endzerile ra vumbirhi, nisweswi hambiloko ndzi ri kule na n'wina, ndzi tsundzuxile lava dyoheke khale, ni lavan'wana hinkwavo, kutani ndza ha va tsundzuxa: Loko ndzi tlhela ndzi ta, a ndzi nga va tsetseleli,

2 Vakorinto 10:6

Kutani loko mi ta va mi tinyiketile eka yena mi n'wi yingisa, hina hi tiyimisele ku lwa ni hinkwavo lava tiarisaka.

Swivuriso 27:22

Xiphukuphuku, hambi u nga xi kandza ni mavele etshurini, a xi nga pfuki xi hambane ni vuphukuphuku bya xona.

Swivuriso 19:29

Vasandzi va yimeriwile hi ku avanyisiwa, swiphunta swi nge poni, swi ta biwa.

Swivuriso 19:25

Loko u ba musandzi, swi nga nyika dyondzo eka lava pfumalaka vutivi, loko u laya munhu wo twisisa, swi n'wi pfuna ku engetelela vutlhari.

Swivuriso 17:10

Munhu loyi a twisisaka, ú hatla ku twa loko a tshinyiwa, kasi xiphunta, hambi xo himeteriwa ka dzana, a xi twi.