Swivuriso 26:24 - BIBELE Mahungu Lamanene

²⁴ Mukanganyisi ú fihla rivengo leri tateke mbilu ya yena, hi ku sasekisa marito ya yena;

Xitsonga (Bibele)

²⁴ La vengaka u kanganyisa hi milomu ya yena, Embilwini u kanela ku dyelela;

Swivuriso 26:24 Referans Kwoze

Swivuriso 12:20

Vukanganyisi byi le timbilwini ta lava endlaka swo biha, kasi lava nga ni makungu lama tisaka ku rhula, va tsakile.

Swivuriso 10:18

Munhu la fihlaka rivengo, ú hemba ngopfu, la lumbetaka van'wana, i xiphunta.

Pisalema 41:6

Loko un'wana a ta ku ta ndzi pfuxela, wo tela ku ta ndzi koya ntsena, a ri karhi a xopa-xopa leswi a nga ta ndzi onha vito ha swona loko a humile.

Swivuriso 14:8

Vutlhari bya munhu wa miehleketo, byi n'wi komba ndlela, kasi vuphukuphuku bya swiphunta, bya swi kanganyisa.

Swivuriso 12:17

Loyi a vulavulaka ntiyiso, ú nyika vumbhoni lebyinene, kasi loyi a vulavulaka mavunwa, ú tele vukanganyisi.

Swivuriso 12:5

Makungu ya vanhu lavo lulama i manene, kasi switsundzuxo swa lavo homboloka swa kanganyisa.

Swivuriso 11:1

Ku xavisela vanhu swilo hi mpimo lowu nga riki wona, HOSI Xikwembu xa swi venga, kambe mpimo lowu wu nga wona, xa wu tsakela.

Swivuriso 23:7

hikuva ú pimile embilwini leswi a lavaka leswaku u dya swona; hi nomo, wa vula a ku: “Dyana, u tlhela u nwa!” kambe a nga ku tsakeli.

Yeremiya 9:4

“Tivoneleni hinkwenu eka vaakelani va n'wina, mi nga tshembani hambi mi ri vamakwavo, hikuva un'wana ni un'wana i mukanganyisi eka makwavo wa yena, hinkwavo va le ku lumbetaneni.

Genesa 34:13

Kutani vana va Yakobo va hlamula Xikeme na tata wa yena Hamoro hi ndlela yo kanganyisa, hikuva Xikeme a a nyamisile Dina makwavo wa vona,

1 SAMIELE 18:17

Siku rin'wana, Sawulo a ku ka Davhida: “Nhwana wa mina lonkulu, Meraba, hi loyi, ndzi nga ku nyika yena a va nsati wa wena; kambe u fanele ku rhanga hi ku tikomba leswaku u nhenha, hi ku lwa tinyimpi ta HOSI Xikwembu.” Embilwini Sawulo a a ku: “A ndzi lavi ku n'wi dlaya hi voko ra mina, kambe a a dlawe hi Vafilista.”

2 SAMIELE 13:26

Abixalomu a ku: “Leswi wena u tsandzekaka, ndzi kombela leswaku makwerhu Aminoni a famba na hina.” Hosi yi n'wi hlamula yi ku: “Xana mi n'wi lavela yini Aminoni leswaku a famba na n'wina xana?”

2 SAMIELE 13:27

Kambe Abixalomu a phikelela, hosi yi kondza yi pfumelela Aminoni ni vana lavan'wana va yena hinkwavo ku famba na Abixalomu. [Abixalomu a endla nkhuvo lowukulu lowu fanaka ni wa tihosi.]

2 SAMIELE 20:9

Yowabu a ku ka Amasa: “Avuxeni makwerhu, u pfukile xana?” Kutani Yowabu a yisa voko ra xinene, a khoma Amasa hi malebvu wonge hi loko a lava ku n'wi ntswontswa.

Nehemiya 6:2

Kutani Sanibalati na Gexeme va rhuma vanhu va ta ndzi vitana va ku: “A hi hlangane emutini wun'wana erivaleni ra Ono.” Makungu ya vona a ku ri ku ndzi vavisa.

Pisalema 12:3

We HOSI, va tseme milomo vakanganyisi lava hinkwavo, vona lava tikukumuxaka ngopfu,

Pisalema 28:3

U nga tshuki u ndzi katsa ni lavo homboloka, ndzi vula vona lava endlaka leswo biha: Va tiendla vanhu vanene loko va vulavula ni vaakelani, kasi timbilu ta vona ti tele vukanganyisi.