Swivuriso 26:20 - BIBELE Mahungu Lamanene

²⁰ Loko ku ri hava tihunyi, ndzilo wa timeka; madzolonga na wona ma kota ku hela, loko ku nga ri na munhu wo hleva.

Xitsonga (Bibele)

²⁰ Ndzilo wu timeka hi ku pfumala tihunyi; Swi tano ni timholovo, ti hela loko muhlevi ku ri hava.

Swivuriso 26:20 Referans Kwoze

Yakobo 3:6

Ririmi i ndzilo, ku homboloka ka rona ku ringana ni tiko hi vukulu. Ri le xikarhi ka swirho swa hina, kutani ri nyamisa miri hinkwawo, ri chela mpfundze evutomini hinkwabyo bya vanhu; ndzilo wa kona wu huma eTiheleni.

Swivuriso 22:10

Hlongola musandzi, kutani madzolonga ma ta yima, ku holova ni ku rhuketelana swi ta hela.

Swivuriso 16:28

Munhu wa mbilu yo biha, ú pfuxa madzolonga, loyi a hlevaka, ú lwisa vanghana.

Swivuriso 26:22

Marito ya muhlevi, a hi ku tsokombela ka wona, ma hatla ma nghena ma ya fika emakorhweni ya mbilu.

Yakobo 3:5

Hi mukhuva wolowo, ririmi i xirho lexitsongo, kambe ri tidzunisa ngopfu hi leswikulu. Vonani hilaha xihlahla lexikulu xi nga hisiwaka hakona hi ndzilonyana lowutsongo!

Levhitika 19:16

Mi nga fambi mi vulavula swo biha hi varikwenu; naswona mi nga humesi vumbhoni byo hemba lebyi byi nga dlayisaka warikwenu: Hi mina HOSI.