Swivuriso 25:3 - BIBELE Mahungu Lamanene

³ Matilo ma le henhla swinene, ni misava yi entile ngopfu; swi tano ni leswi hosi yi ehleketaka swona: Munhu a nge swi tivi.

Xitsonga (Bibele)

³ Ku tlakuka ka matilo ehenhla ni ku enta ka misava, Ni timbilu ta tihosi a swi na ku kambiwa.

Swivuriso 25:3 Referans Kwoze

Pisalema 103:11

Hilaha matilo ma tlulaka misava hi ku tlakuka ni vukulu, na rona rirhandzu ra Xikwembu i rikulu eka lava va xi chavaka.

1 TIHOSI 4:29

Xikwembu a xi nyikile Solomoni evutlhari, ni ku twisisa loku enteke, ni miehleketo yo anama tanihi sava eribuweni ra lwandle.

1 Petro 1:7

Miringo leyi yi endla leswaku ku pfumela ka n'wina, loku tlulaka nsuku hi nkoka, ku vonaka ku tiyile. Nsuku, hambileswi wu ringetiwaka hi ndzilo, wa onhaka; kambe ku pfumela ka n'wina, loko ku tiyile, ku ta mi tisela ku dzunisiwa ni ku twarisiwa ni ku fundzhiwa, siku Yesu Kriste a humelelaka.

Varhoma 8:39

leyi nge henhla mpfhukeni kumbe leyi nge hansi ka misava, hambi xi nga va xivumbiwa xihi na xihi, ndzi ri: Ku hava lexi nga ta kota ku hi hambanisa ni rirhandzu ra Xikwembu leri nga kombisiwa ha Kriste Yesu, Hosi ya hina.

Esaya 55:9

Swi fana ni matilo lama nga henhla kule ni misava. Tindlela ta mina ni miehleketo ya mina swi le henhla ngopfu, swi tlula tindlela ta n'wina ni miehleketo ya n'wina.

Esaya 7:11

“Kombela xikombiso eka HOSI Xikwembu xa wena; xikombiso xa kona xi nga va xa leswi nga hansi exivandleni xa vafi, kumbe xa leswi nga henhla etilweni.”

Swivuriso 25:2

Xikwembu xi dzunisiwa hi mhaka ya leswi ku nga ni swilo leswi tiviwaka hi xona ntsena, kasi tihosi ti dzunisiwa loko ti kota ku kambisisa timhaka.

Swivuriso 25:4

Susa thyaka eka silivhere, kutani muvumbi ú ta endla swilo swo saseka ha yona;