Swivuriso 25:2 - BIBELE Mahungu Lamanene

² Xikwembu xi dzunisiwa hi mhaka ya leswi ku nga ni swilo leswi tiviwaka hi xona ntsena, kasi tihosi ti dzunisiwa loko ti kota ku kambisisa timhaka.

Xitsonga (Bibele)

² Ku twala ka Xikwembu i ku fihla mhaka; kambe ku yi kambisisa i ku twala ka tihosi.

Swivuriso 25:2 Referans Kwoze

Duteronoma 29:29

“Ku ni swilo leswi swi ngo va xihundla xa HOSI Xikwembu ntsena; kambe hinkwaswo leswi tsariweke ebukwini leyi ya Nawu, Xikwembu xi hi hlamuserile swona, leswaku hi ta swi hlayisa, hina ni vatukulu va hina.

Ntirho 42:3

Wena u te: ‘I mani la solaka makungu ya mina hi ku kala vutivi ke?’ Hakunene ndzi vurile leswi ndzi nga swi tiviki, a swi tlula ngopfu ku twisisa ka mina.

Ntirho 38:4

“Xana a wu ri kwihi, loko ndzi sungula ku vumba misava ke? Leswi u twisisaka leswo tala, ndzi byele!

Ntirho 29:16

A ndzi ri tatana eka swisiwana, ni lava ndzi nga va tiviki, a ndzi kambisisa timhaka ta vona.

Ezra 4:15

leswaku u kambisisa buku ya matimu ya vatata wa wena. Loko u kambisisile, u ta swi vona leswaku vaaki va muti lowu i vanhu vo tiarisa, lava lwaka ni tihosi ni tindhuna. Ku sukela khale, hi vona va pfuxaka mpfilumpfilu; hi swona leswi swi endleke leswaku muti lowu wu herisiwa.

Ezra 4:19

Kutani ndzi veke nawu wa leswaku mhaka leyi yi kambisisiwa, swi kumeka leswaku hakunene vaaki va muti lowu ku sukela ni khale a va nga twanani ni tihosi. Hi vona va pfuxaka mpfilumpfilu ni madzolonga.

Ntirho 40:2

“Wena muhandzi wa swihoxo, u nga kanetana na mina Xikwembu-xa-matimba-hinkwawo, ke? Ndzi hlamule, wena u phikisanaka na mina!”

Ezra 5:17

“We hosi, loko u swi tsakela, lavisisa mhaka leyi etibukwini ta matimu ya tihosi eBabilona, kambisisa swinene, u vona loko hakunene hosi Korexe a tshama a veka nawu wa leswaku yindlu ya Xikwembu yi akiwa hi vuntshwa eYerusalema. Hi kombela leswaku u hi rhumela mavonele ya wena emhakeni leyi.”

Ezra 6:1

Kutani hosi Dariyosi a humesa nawu wa leswaku ku ya kambisisiwa tibuku ta matimu endlwini leyi ti hlayisiwaka eka yona le Babilona.

Swivuriso 25:3

Matilo ma le henhla swinene, ni misava yi entile ngopfu; swi tano ni leswi hosi yi ehleketaka swona: Munhu a nge swi tivi.

Duteronoma 29:28

Kutani eku hlundzukeni ka xona lokukulu, HOSI Xikwembu xi rhurhisile vanhu lava, xi va rhumela etikweni rin'wana, hilaha swi nga hakona ni namuntlha.’

2 SAMIELE 1:5

Kutani Davhida a vutisa jaha leri a ri n'wi rungulela timhaka leti, a ku: “Xana u swi tivisa ku yini leswaku Sawulo ni n'wana wa yena Yonatani va dlayiwile, xana?”

2 SAMIELE 14:19

Hosi Davhida a vutisa wansati, a ku: “Xana a hi Yowabu loyi a ku kuceteleke etimhakeni hinkwato leti, xana?” Wansati a hlamula a ku: “Ndza hlambanya emahlweni ka wena, we hosi n'wini wanga, ndzi ri: A ku na loyi a nga kanetaka mhaka leyi u yi vulaka, we hosi n'wini wanga, hikuva i ntiyiso. Kunene hi yena nandza wa wena Yowabu loyi a ndzi rhwexeke ntirho lowu, a ndzi byela ni marito hinkwawo lawa a ndzi fanele ku ma vula, mina nandza wa wena.

Swivuriso 25:27

Ku dya vulombe ku tlula mpimo, a swi sasekanga. Swi tano ni loko u nkhensa munhu: U nga tati ngopfu marito.

Eklesiasta 1:13

Ndzi tibohile ku tirhisa vutlhari, ndzi lavisisa ni ku kambisisa hinkwaswo leswi endliwaka hi vanhu laha misaveni. Kutani ndzi kumile leswaku mintirho leyi munhu a rhwexiwaka yona hi Xikwembu laha misaveni, ya tika swinene.